Diyarname

48'emîn Festîvala Muzîkê ku dê ji aliyê Weqfa Çand û Hunerê ya Stenbolê (ÎKSV) ve bihata lidar xistin hat taloqkirin. Li gor daxuyaniya qewfê ewê di meha rezberê de li dar bixin.

48'emîn Festîvala Muzîkê ya Stenbolê divê di navbera 2-25'ê pûşperê li dar biketa. Lê ji ber vîrusa koronayê (Covid-19) wekî gelek festîvalên din ew jî hat taloqkirin. Li gor daxuyaniya weqfê festîval di nîveka duyemîn a meha rezberê de, ger mimkûn be dê bi heman naverokê li dar bikeve.

Ji sala 1973'yan ve ev festîval her sal di meha pûşperê de tê li dar xistin. Mijara bingehîn a festîvalê îsal wekî "Cîhana Ronî ya Beethoven" diyar kiribûn û di vê çarçoveyê de dê gelek konserên rengîn bêne pêşkêş kirin

Amadekarên festîvalê diyar kiribû ku dîroka nû ya teqez, li gor wê demê naveroka festîvalê dê meha pûşperê de bi ser website û hesabên wan ên tora civakî re bêne eşkerekirin. Kesên bilêt kirîbin wan bilêtan dîsa dê bikaribin bikar bînin, yên bixwazin bilêtên xwe betal bikin, yan jî bixwazin biguherînin ew mafê wan dê hebe.