Diyarname
Saziya parastiney heywanan PETA semedo ke muzîkar Rihanna di koleksiyonê xo ê newe Fenty de qe çermê heywanan nêşoxilna xelate da ay.
PETA xelata bi namey "Campassion in Fashion" (Moda de Merhemet) xelate da Rihanna. Alîkara Serokey PETA Lisa Lange ana vato: "Rihanna qeybî enî koleksiyonî sipasî heq kerda. Bi koleksiyonê xo yê newe ê vegan nîşan da ke qet heywanêke nêro kiştişî jî merdim eşkeno dîtbarîke baş nîşan bido." PETA ke 9'ê aşme de ene xelate eşkera kerd e, vat ke Serena Williams, Rooney Mara, RZA û Jessica Simpson heta enka malzemeyê vegan şixulnayne, Rihanna jî kewte miyanê karwanê namdaran ê xebatey xo bi eno awa kenê.
Rihanna par di aşmen diyesinan de di Xelatanê Moda ay Londonê Îngilistanî de Xelata Urban Lukse girote bî.
Deyrvana namdare Rihanna sedemê vîrusê korona keyera nêkuna teber la qeybî xebatey vîrusî alîkarî kena. Babê ay ê 66 sere Barbados de bi vîrus kewto. Qeybî a joy Rîhanna cîhazê nefesgirotişî babê xo rê şirawitî û qeybî nêweşxaney Barbadosî jî bi qîmetê 700 hezar dolarî enî cîhazan ra şirawitî.
Heto bîn ro rapor hamey bî hedrekerdişî de di demê vîrusî de zehf pîrekî keye de rastê şîdetî yenê. CEO'yê Twittirî Jack Dorsey û Rîhanna hamey têhet û înan têdir 4.2 mîlyon dolarî pere qeybî ê pîrekê bêre parastin diyarî kerdî.