ENQERE
Lîstîka "Çîrokek Zivistanê" ku derhêneriya wê şanoger Haldun Dormen kiribû û ji aliyê lîstikvanên Şanoya Bajarê Mezin a Amedê ve hatibû lîstin vê carê duh li Enqereyê di çarçoveya Festîvala Şanoyê ya Enqereyê de hat lîstin.

Hevserokên BDP'ê Selahattin Demîrtaş, Gultan Kişanak, parlamenterên BDP'ê, Şaredarê Bajarê Mezin ê Amedê Osman Baydemîr, parlementera DEP'ê ya berê Leyla Zana, Midûrê Giştî yê Şanoya Dewletê Lemî Demir gelek rojnameger û sedan kesî  li lîstikê temaşe kir. Salona ku mişt tije bûbû, gelek temeşevanan jî li ser piyan li lîstîkê temaşe kir.

Listîka ku çîroka qeymeqamê bajarokê ku di bin mercên giran ên zivistanê de ye û ji cihên qut bûye tê vegotin.

Derhênerê lîstikê Dormen, piştî lîstikê axaftinek kir. Dormen, got wan ji bo destpêkê gavek avêtiyê û wiha bendewam kir: "Ji bo ku mirov bibin yek me kevirek avêt. Ez hêvî dikim ku berdewamiya wê jî dê bê. Ji bo min girîng e ku lîstîka ku min nivîsandiye wergerandine zimanekî din. Ligel ku ez bi kurdî nizanim jî lîstîk bi serkeftî hate nîşandan".

Hevserokê BDP'ê Demîrtaş jî got ku girîng e lîstîkeke bi kurdî di şanoya dewletê de dilîze û ev yek lê zêde kir: "Kurdî di şanogeriya dewletê û televîzyona wê de serbest e lê di dadgeh û dibistanan de qedexe ye. Bi van pêşketinên erênî ev nakokî jî dê ji holê rabe."

Piştî lîstîkê li ser navê TAKSAV'ê plaket dan Şaredarê Bajare Mezin ê Amedê Osman Baydemîr. Plaket ji aliyê Serokê KESK'ê yê berê Îsmaîl Hakki Tombûl ve hate dayîn Baydemir jî axaftinek kir û wiha got, "Li axa pîroz dibin ronahiya rojê de bihareke nû bûye. Ev jî dibe sedema gihîştina fîdanên nû."
Baydemîr, got ku divê ev bihar bandor li Enqereyê bike û Parlamentera DEP'ê yê berê Leyla Zana ji bo plaketê bigire gazî ser dikê kir.
Di vê navberê de ji hevserokên BDP'ê jî plaket hate dayîn.
Zana li vir bi kurdî axaftinek kurt kir û got: "Heger ku îro di şanoya dewletê de lîstîkeke bi kurdî bê nîşandan ev bi saya keda gelê kurd û tirk e."
Zana, diyar kir ku aştî nêzîk e û wiha got: "Heger ku kurd aştiya di nava xwe de pêk bînin dê aştiya din jî pêk bînin."