Diyarname
Rojnameya Xwebûn vê hefteyê bi sernavê "Vîrusê Newroz betal kir" derket.
Rojnameya Xwebûn ku hefteyê carek bi kurdî derdikeve bi hejmara xwe ya 13'yan (16-22) li pêşberî xwendevanênr xwe ye.
Di rojnameyê de
Vê hefteyê Rizoyê Xerzî ligel Mem Arat hevpeyîn kiriye. Ararat li ser muzîka kurdî û girîngiya ziman dîtinên xwe anîne zimen. Ararat wisa gotiye: “Min sozek daye xwe û guhdarên xwe; strana bi dil û giyan hîs nekim ez ê nebêjim. Muzîk bexçeyê giyanê min e û dixwazim wî bexçeyî her paqij bihêlim. Lewma bi hezkirinek mezin bi muzîkê re mijûl dibim. Kevirê heps û tirba xwe wisa dixemilînim.”
Di vê hefteya Helebçeyê de li ser komkujiya Helebçeyê nivîs hatine weşandin. Yaşar Eroglu bi sernavê "Birîna xedar Helebçe" û Harûn Evîndar jî bi sernavê "Hê xwîn ji vê birînê tê" nivîsa xwe nivîsandiye. Her wiha Mizgîn Ronak jî quncikê xwe ji bo vê meseleyê veqetandiye.
Ji nivîskarên rojnameyê Aysel Tabak jî bi nivîsa "Sembol û sergovendên Newrozê" balê dikişîne ser dîroka Newrozê û rola jinan. Zehra Mohammedzadeh jî çîroka jina bi navê Fîrozeyê Tûfegul a kurdên Xorasanê nivîsandiye.