AMED
Duyemîn danişîna doza 151 siyasetmedarên kurd û parêzvanên mafên mirovan li 6'emîn Dadgeha Cezayên Giran a Amedê dest pêkir. Heyeta dadgehê di danîşîna îro de daxwaza parastina kurdî ya siyasetmedarên kurd redkir û biryara xwendina cewhera îdîanameyê da.

Danişîna doza 103 jê girtî, 151 siyasetmedarên kurd û parêzvanên mafên mirovan li 6'emîn Dadgah Cezayên Giran a Amedê dest pê kir. Siyasetmedarên kurd jî girtîgehên Tîpa D û E yên Amedê anîn adliyeyê. Di dema anîna wan de xizmên girtiyan jî slogana "zext me bêzarnakin" piştîgirî dan girtiyan. Koma ji kesên Îtaliyayê pankarta bi kurdî, tirkî, îngîlîz û îtalî ya "Ji bo hemû kesî azadî" vekirin û dema ku rîngên girtîgehê derbasbûn slogana "Bijî azadî" berz kirin. Parlementera Parlementoya Eyaleta Hessenê ya Almanyayê Barbara Cardenas, di ketina edliyeyê de daxuyaniyeke kin da û diyar kir ku ji bo berdana siyasetmedarên kurd YE jî berpirsiyar e û wiha got: "Ez wekî parlementereke Ewropayê ji bo piştgiriyê hatim vê derê. Daxwaza min ji Tirkiyeyê ew ku hemû girtiyan berde. Gelê kurd û tirk bira ne. Gelê kurd gelek tişt hîn me kirin. Bila otonomiyê bidin gelê kurd." Piştî daxuyaniyê parêzer, delegasyonên ji Ewropayê hatine, rewşenbîr, nivîskar û nûnerên rêxistinên sivîl ên civakî di bin tedbîrên berfireh de çûn adliyeyê.

Polîsan êrîşê heyeta biyanî kirin

Di vê demê de polîsan koma Îtalî a ji 60 kesan pêkdihat ku pankart vekiribûn dorpêç kir û xwest kom ji ber deriyê edliyeyê dûr keve. Di dema mudaxaleyê de polîsekî pihînek li kesekî da. Komê bertek nîşanî polîsan da û slogana "zext me bêzar nakin" berz kirin. Endamên komê bi strana Çavbella gotin û helwesta polîsan şermezarkirin. Kom pişt re derbasî "kona aştiyê" ya ku li ber derê Şaredariya Bajarê Mezin hate vedan, bû.

Heyeta alman: Li hemberî kurdan doz zordariyek mezin e

Heyeta ji Almanyayê ya hatiye û ji 18 kesan pêktê li ber adliyeyê têkildarî dozê de daxuyanî da. Daxuyanî bi tevlibûna Av. Brîtta Eder, Civaknas Martîn Dolzer û Parlementera Dîe Lînkê ya Parlementoya Eyelata Hessenê ya Almanyayê Barbara Cardenas hate lidarxistin. Di daxuyaniyê de wiha hate gotin: "Doza em niha dibînin dozekî polîtîk e. Em vê dadgehê wekî li hemberî gelê kurd zordariyekî nû dibînin. Me dît ku gelê kurd ji bo mafên mirovan têkoşînê didin. Em operasyonên didomin gelek bi guman dibînin. Em dozê wekî bi keyfî dibînin." Her wiha di daxuyaniyê de bal kişandin ser Serokê Şaxa ÎHD'ê ya Amedê Muharrem Erbay û nûçegehana me ya Colemêrgê Hamdiye Çîftçî yên hatin girtin û wiha hate gotin: "Rojnameger Hamdiye Çîftçî û Serokê Şaxa ÎHD'ê Muharrem Erbey jî girtîn e. Almanya çekan di firoşe tirkan û bi van çekan jî gelê kurd tê kuştin."

Daxwaza parastina bi kurdî hate redkirin

Danişîna siyasetmedarên kurd a îro di salona taybet dest pêkir. Di danişînê de 103 bersûçên girtî amade bûn. Her wiha hinek 48 bersûçên negirtî di nav de Şaredarê Bajarê Mezin ê Amedê Osman Baydemîr û Şaredarê Surê Abdullah Demîrbaş û nêzî 300 parêzer û delegasyon tevlî bûn. Heyeta dadgehê daxwaza parêzer û siyasetmedarên kurd a parastina kurdî redkirin. Her wiha heyeta dadgehê biryar da ku cevherê îdîanameya bê xwendin.

***

Nûçeyê eleqedar:

- Li dadgehê dengê 'Ez li vir im' bilind bû

- Her kes li benda vê dozê ye