Diyarname
Di rojekê de du agahiyên girîng ên li ser bikaranîna zimanê kurdî hatin. Ji wan yek Ocalan anî ziman, ya din Bayik.

'Her mala xwe bikin dibistana kurdî'

Agahiya pêşî a li ser ziman ji Serokê PKK'ê Abdullah Ocalan. Ocalan di hevdîtina xwe ya bi parêzerên xwe re ya vê hefteyê de (Çavkanî: ANF) li ser ziman wisa gotiye: "Tu zimanê xwe yê dayikê hîn nebî, perwerdehî negirî tu nikarî baş bifikirî jî; wê çaxê eynî wekî mejî bimire dibe. Di bingeha pirsgirêka rewşenbîrên kurd de ev heye. Ji ber vê yekê bi têra xwe rewşenbîrên kurd ên xurt, zane pêşnakevin! Serhildana min a bi diya xwe re min da dest pê kirin (a rast tiştek ew dayika reben bike jî tune bû), li hemberî pergalê jî dom kir. Vaye ji ber vê yekê ez li vir im. Malbatên me yên welatparêz çi dibe bila bibe divê miheqeq zimanê dayikê hînê zarokên xwe bikin. Ev beşa herî girîng a têkoşîna me ye. KCD (Kongreya Civaka Demokratîk) divê xwe di vî warî de berpirsiyar bihesibîne, li taxan rêzabên, saziyên ku zimanê kurdî hîn bike ava bike. Nêzîkbûna (xesasiyeta) min a di vî warî de tê zanîn. Divê em baş bi girîngiya vê zimanê zikmakî bizanibin. Ez ji ber vê êşê dijî zewacê me, rexneyên cidî dikim. Ez nabêjim ez dijî anîna zarokan im lê yên ku zarokên wan hebin divê hay ji berpirsiyariya xwe hebin. Tiştê girîng piştî ku zarok hat dinê, pêvajoya ku têre derbas dibe fêm bike, zimanê xwe û çanda xwe hîn bibe, li hemberî komkujiyê xwe biparêze."

'Pêşî li her cure çalakiya bi kurdî bigirin'

Agahiya din ku di heman ajansê de hate weşandin ji Cîgirê Serokê Rêveberiya KCK'ê Cemil Bayik hat. Bayik jî li ser ziman wisa dibêje: "Bi Xweseriya Demokratîk em siyaset û civaka demokratîk ji xwe re dikin hedef. Perwerdehiya bi tirkî gav bi gav wê bê redkirin, di her merheleyên perwerdehiyê de emê perwerdehiya bi kurdî bikin serdest. Encaş bi vî awayî dikarin pêşî li asîmîlasyonê bigirin. Divê li Kurdistanê dawî li bi tirkî axaftin, nivîsandin, çalakiyên bi tirkî bînin. Xweseriya Demokratîk wê pergala xwe ya perwerdehiyê ji xew re bike hedef."