Diyarname
Walîtiya Meletî û Weqfa Nasandin, Pêşistin û Lêkolînkirina Mişmişên Meletî biryar dan ku festîvaleke fîlman li dar bixin û nav lê kirin Festîvala Fîlman a Mişmişê Zêrîn a Meletiyê. Festîval wê di navbera 20'ê sermaweza 2010'an û 2'yê berfanbara 2010'an de lidar biketa.

Bernameya festîvalê hate amadekirin û daxuaynî hate dayîn. Û bi ser de jî Waliyê Meletî Ulvi Saran wisa got: "Li Antalyayê festîvala Porteqala Zêrîn, li Edenê Kozaya Zêrîn, li Bursayê Festîvala Rêya Îpekê tê li dar xistin çima li Meletî Festîvala Mişmişê Zêrîn a Navneteweyî ya Fîlman neyê lidar xistin?"
Pirs rast bû, armanc jî baş lê nerazîbûn ji Ermenistanê hat.

Komîteya amadekar a Festîvala Mişmişên Zêrîn daxuyaniyeke da ajansa News.am û wisa got: "Ji sala 2004'an ve em li Erîwanê bi navê 'Mişmişê Zêrîn' festîvalê li dar dixin. Meletî niha bi vî navî festîvalek wê lidar bixe. Em amadehî dikin ku li hemberî vê dozê vekin."
Komîteya amadekar îdîa dike ku navê Mişmişê Zêrîn di destê wan de ye.

Ger pirsgirêk dernekeve û festîvala li Meletî li dar bikeve 65 jê fîlmên metrajdirêj, her wiha belgefîlm û kurtefîlm bi giştî li dor sed fîlmî wê fîlm xwe bigihînin temaşevanan.