Diyarname
Fîlmê derhêner Kazim Oz "Bahoz" yekem car di Festîvala Fîlman a Stenbolê de hat nîşandayîn û bi eleqeyeke baş re rû bi rû ma.

Cemal di ezmûnan de bi ser dikeve û ji bo xwendina li Zanîngeha Stenbolê tê Stenbolê. Di vê bajarê qelebalix de bi tenê ye, di nav demê de hevnasîna wî bi komeke ciwanên şoreşger re pêk tê. Bi yek ji rêveberên komê Hêlînê re dikeve nav pevçûna nasnameyê û pişt re hay ji nasnameya xwe ya kurdî dibe, dikeve nava xebata têkoşînê ya ciwanan. Pêre Cemal dest bi xwendinê, lêkolînê dike. Rojda û Orhan jî ji heman rêyê derbas dibin û dûre dibin endamên aktîf ên komê.
Fîlm çîroka ciwanên 18-19 salî, fikrên wan ên 'şoreşger', veguherîna wan pêşkêş dike. Fîlmên ku têkoşîna xwendekarên kurd ên salên destpêka 1990'an pêşkêş dike di heman demê de cih dayîna Musa Anter (Dicle Anter rola wî lîstiye) wî bibîr tîne.

Derhêner Kazim Oz li ser fîlm wisa dibêje, "Fîlm serdema ku ez bûme şahid, serdema bi bahoz a ku bûyer û karakterên awarte jê derketin bi zimanê sînematografî pêşkêş dike. Di serdemeke ku her tişt sakin dimeşeke de bahozeke radibe û her tiştî serobino dike."

Fîlmê ku serlîstikvaniya wê Cahit Gok, Havin Funda Saç, Selim Akgul, Asiye Dinçsoy, Ali Geçimli, Ali Surmeli kiriye duyemîn fîlmê metrajdirêj ê Kazim Oz e. Oz pêşî kurtefîlmê "Ax" kişandibû, dûre fîlmê metrojdirêj "Fotograf", piştî vê jî belgefîlmê bi navê "Dûr" kişandibû.
Fîlmê "Bahoz" ku kurdî-tirkî ye digel pêşkêşkirina rêxistina serdemekê, cureyên çalakiyên wan, henekên serdemekê wekî nostaljîk jî pêşkêş dike.

Notên ji fîlm:

Bahoz di navbera sermawez 2006-reşemî 2007'an de li Dêrsim, Stenbol3e hate kişandin. Hin beş li Zanîngeha Stenbolê, Zanîngeha Marmara ya Haydarpaşayê, li Hertek, gundê Kedek (Li Ocaik), li ser rêya Erzîncan-Dêrsimê, hin beş jî li Fabrîkeya Sumerbank a li Beykozê hatin kişandin. Li pişt kamerayê ekîbeke ji 60 kesî pêkhatî peywirê xwe anî cih.

- Ji bo fîlm bi nêzî 20 karakterî re 5 hem hevdîtin pêk hatin, prova hatin kirin. Ev 20 kes ji nav 650 kesî hatin hilbijartin.

- Di fîlm de nêzî 2 hezar lîstikvanên duyem û fîgurasyonî kar girt ser milê xwe.

- Ji bo di fîlm de bêne bikaranîn rojname û kovarên salên 1992-93'yan ji nû ve hatin çapkirin, afîş û erebeyên wê demê hatin bikaranîn, hin sehne bi taybetî hatin amadekirin. Her wiha gelek afîş û molotof jî hatin amadekirin.

- Di dema kişandina fîlm de di heman demê de belgefîlmekî bi navê "Vejîna Bahozê" ku piştperdeya fîlm nîşan dide hate amadekirin.

Kunye:

Bahoz / Firtina / The Storm
Senaryo û Derhêner: Kazim Oz
Lîstikvan: Cahit Gok, Havin Funda Saç, Selim Akgul, Asiye Dinçsoy, Ali Geçimli, Ali Surmeli
Cîgirê Derhêre: Fesih Alpagu, Aziz Çapkurt
Derhênera Hunerê: Selda Çiçek  
Derhênerê Dîmenê: Ercan Ozkan
Muzîk: Ayhan Akkaya, Vedat Yildirim, Burak Korucu (BGST)
Ronahî: Bulent Zandarli
Sazkirin: Mezopotamya Sinema û Yapim 13 Fîlm Produksiyon