Diyarname
Teknîk Dîrektorê navdar Mustafa Denizli roja 28'ê mehê bi keçeke kurd Evin Elçi re zewicî.

Mustafa Denizli ev demeke dirêj e teknîk dîrektorî dike. Wî heta niha teknîk dîrektoriya Tîma Neteweyî ya Tirkiyeyê kiriye. Li Tirkiyeyê tekane kes e ku tîmên wekî Beşîktaş, Fenerbahçe û Galatasaray bi rê ve biriye û ew her sê kirine şampiyon. Denizli di heman demê de li Îranê jî teknîk dîrektorî kir û serketinek bi dest xist.

Evin Elçi keçek kurd e. Bavê Şerafettin Elçi ye ku ew dema sala 1978-78'an de Wezîrê Bayindirlikê bû ji ber ku got "Ez kurd im" ji wezîrtî hat girtin, hat darizandin, 2 sal û 4 meh ceza xwar.

Niha Elçiya kurd û Denizli tirk bi merasimekê bi hev re zewicîn. Zewaca Denizli û Elçi par jî ketibû rojevê lê ev biryar bi paş ve hatibû xistin. Niha her du kes di 28'ê vê mehê li Daîreya Zewacê ya Çankayaya Enqereyê de bi hev re zewicîn.
Ji her du malbatan hin xizmên wan beşdarî daweta wan bûn.