Diyarname

Endamên Meclisa Şaredariyê yên Erxenî û Cizîrê kom bûn û biryarên nû standin

Cizîr

Civîna mehane ya Meclisa Şaredariya Cizîrê îro çêbû. Civîna ku di bin rêveberiya Hevşaredar Mehmet Zirîg de li dar ket de endamên Meclisa Şaredariyê yên HDP'yî bi yek dengî biryar dan ku 13 cihên şaredarî yên ku kayûmê dabûn saziyên cuda bêne betalkirin û bi paş ve bêne girtin.

3 endamên Meclisa Şaredariyê yên ser navê AKP'ê dijî vê biryarê derketin lê biryar bi dengên endamên meclisê yên HDP'yî hat girtin.

Erxenî

Meclisa Şaredariya Erxeniya Amedê civîna xwe ya meha pûşperê li parkê bi beşdariya gel jî li dar xist. Hevşaredarên Erxenî Meryem Yildiz û Ahmet Kaya jî di civînê de amade bûn.

Gelê Erxenî ku wan jî civîn şando ji şaredarîn xwestin rêyên gundan tamîr bikin û xwest endamên meclisê ligel Midûriyeta Karayollari (Rêyên Bejayî) bikevin têkiliyê ku rêya ser Elezîz-Amedê çêbike. Her wiha gel ji şaredarî pirsî ka pergala paqijkirina avê niha di çi astî de ye.