Diyarname

Derhênero bi name û veng Quentin Tarantino fîlmê xo wo newe "Once Upon A Time In Hollywood" temam kerd û resta Festîvaley Fîlman a Cannesî. Ew bi enî fîlmê xo kuno pêşbazî.

Fîlmê derhênerê amerîkanî Quentino Tarantino "Once Upon A Time In Hollywood" (Zemanêke Hollywood) 14'ê mangey gulanî de rey joyînan go festîval de bimocnê ra. Di fîlm de kaykerdoxê bi name û veng Brad Pitt, Leonardo DiCaprio û Al Pacino kay kenê. Meraq ew bî ke fîlm go bireso Cannes yan nê, la hame eşkerekerdin ke montajê fîlmî temam bî û Cannes de kuno miyanê pêşbazî.

Hîkayey fîlmî di seranê 1960'î doe Hollywood de derbas beno. Di fîlm de Leonardo DiCaprio kaykerdoxêke televîzyoniyo, Brad Pitt zey dublorê yê kay keno. Kaykerdoxa Avustralyara Margot Robbie jî rolê kaykerdoxe Sharon Tate kay kena. Tate 1969'an de hetê murîdanê rêberê tarîqatî Charles Manson ra hamîbî kiştîşî.

Derhêner Tarantino 25 serî verî di Festîvalê Fîlman ê Cannesî de bi fîlmê xo "Pulp Fiction" Xelata Palmiyeya Zêrîne girot bî. Fîlmê Tarantino ew newe 26'ê mengey 6'an de go biko vîzyon.

Festîvaley Fîlman a Cannesî emsar di miyanê rocanê 14-25'ê gulanî de virazêna.

**

Nûçeya Eleqedar:

- Juriya Cannesê diyar bû

REKLAM:

Ji bo bilêtên balafiran hûn dikarin serî li vir bidin... 

www.bizebiletal.com