Agirî
Şaredariya Bazîdê navê Orhan Dogan li "Mala Piştgiriya Perwerdehiyê" kirin.

Pala Piştgiriya Perwerdehiyê ya Bazîdê di sala 2005'an de hate vekirin û heta niha piştgiriya bi sedan xwendekarî kirine. Di mal de niha 8 mamoste pewerdehiyê didin. Niha Şaredariya Bazîdê biryar girt ku navê siyasetmedar Orhan Dogan li vê malê bikin. Ji bo daliqandina tabelaya bi navê Orhan Dogan merasimeke hate li dar xistin. Di merasîma kunêzî hezar kesî amade bû de rêveberên Odeya Bazirganiyê ya Bazîdê, Odeya Esnaf û Zineetkaran, Rêxistina DTP'ê ya Navçeyê, Komeleya Karsazên Ciwan, TUHAY-DER, Komeleya Zêringiran û Sîteya Pîşesaziyê jî amade bûn.

Şaredara Bazîdê Mukaddes Kubîlay li ser Orhan Dogan got ku siyasetmedarê kurd Orhan Dogan, di têkoşîna kurd de cihekî girîng digire û li ser girîngiya ku Dogan dida perwerdehî û zanistiyê û ev tişt anî ziman: "Em dibin bandora girîngiya ku wî dida perwerdehî û zanistiyê de man û me bi biryara Meclisa Şaredariyê navê Dogan li Mala Piştigiriya Perwerdehiyê kir. Em ji ber vê yekê kêfxweş û bi rûmet in. Em ê bi awayê ku Orhan Dogan girîngî dida perwerdehiyê girîngî bidin perwerdehiyê. Em jî dê têkoşîna aştiyane ya Dogan têkildarî pirsgirêka kurd dimeşand, heta dawiyê bi meşînin."

Siyasetmedarê kurd Orhan Dogan par di Festîvala Bazîdê de di dema axaftina xwe de qeyrana dil derbas kiribû û ew rakiribûn nexweşxaneyê. Dogan li nexweşxaneyê jiyana xwe ji dest dabû.