DiyarName.Com

Vane bi dehan stranên Newrozê!

Dîrok : 21 03 2019 | Beş :

Ferîd Demîrel

Gelek stran li ser Newrozê hatine çêkirin. Bi qasî ku xuya dikin bêhtirên wan bi kurmancî ne. Dîsa yên bi soranî û yek jî bi kirmanckî heye. Me ew dan hev.

“Em rojî salî taze ye, Newroz e hatewe

Cejnekî konî kurd e, be xoşî û behatewe

Çend sal, gulî hiway ême, pê pest bû, ta ku par

Her xwênî lawekan bû, gulî alî newbehar”

Îhtimaleke mezin e ku dema behsa stranên Newrozê tê kirin, ev strana ku Hesen Zîrek bi nav û deng kiriye tê hişê gelek kesan. Stran ji ber helbesteke Pîremêrdî hatiye çêkirin.

Ligel vê stranê, bi dehan stranên ku li ser Newrozê hatine gotin hene. Min xwest ji bo roja Newrozê van stranan berhev bikim.

Di stranan de wekî ku tê zanîn hestên neteweyî, dîroka kurdan û hestên wan ên demê mijarên sereke ne. Lê bi qasî ku tê dîtin Ciwan Haco di vir de jî cudahiya xwe, rengê xwe diyar kiriye. Di strana xwe ya bi navê “Bida” de Newroz û evîndariyê, hezkirinê bi hev re aniye ziman.

Di destpêka salê de rapbêjê kurd Xemî albumek ji sê stranan pêk tê derxistiye. Navê albuma wî "Biyan" e û di vê albûmê de stranek bi navê "Newroz" heye. Ji ber wê min xwest ez lîsteya stranên li ser Newrozê hatine gotin bi vê strana Xemî bidim destpê kirin.

Stranên mane jî min wekî lîsteyekê li bin rêz kiriye.

Newroza we pîroz be!