Diyarname

Xelatên 76'emîn Golden Globe (Globa Zêrîn*) zêrîn li Los Angelesê bi merasimek hatin belavkirin. Her sal fîlmên li Golden Globê bi ser dikevin hema hema mohra xwe li xelatên Oscarê jî didin loma muhîm in. Îsal  fîlmê "Bohemian Rhapsody" xelata fîlmê herî serketî, "The Americans" xelata rêzefîlmê herî serketî girt. Xelata "Serketina Di Hemû Jiyanê" de dan lîstikvan Jeff Bridges.

Di pêşbaziya Golden Globe de xelatê didin fîlm û rêzefîlmên ji bo televîzyonan hatine kişandin. Xelatên îsal bi merasimek hatin belavkirin. Her sal Yekîtiya Çapemeniya Biyanî ya Hollywoodê van xelatan belav dike. Îsal fîlmê Bohemian Rhapsody bi ser ket. Fîlm li ser jiyana Freddy Mercury hatiye kişandin ku ew avakar û solîstê koma rockê ya efsanewî Queenê bû. Fîlmî di warê dramayê de Xelata Fîlmê Herî Serketî bi dest xist. Her wiha lîstikvan Rami Malek ku rola Mercury girtibû ser milên xwe jî xelata Lîstikvanê Herî Serketî girt.

Rêzefîlmê "The Americans" ku xelata Rêzefîlmê Herî Serketî girt li ser casûsiya salên dawî ya Şerê Sar a di navbera DYA û Sovyetê de hatiye kişandin. Di warê rêzefîlman de lîstikvanê rêzefîlmê "Bodyguard" ê bi navê Richard Madden xelata lîstikvanê herî serketî girt. 

Di beşa kategoriya rêzefîlmê dramayê de xelata lîstikvana herî serketî jî Sandra Oh bi rola di "Killing Eve" de girt.

Di beşa fîlmê dramayê de jî lîstikvan Gleen Close bi rola di "The Wife" de xelata lîstikvana herî serketî girt.

Fîlmê "A Star is Born" ku Lady Gaga têde dilîst û wekî favorî hatibû nîşandayîn bi ser neket. Fîlmî tenê di warê muzîka fîlm a herî serketî de xelat girt.

Vane xelatên hatin belavkirin:

Beşa Komedî ya Muzîkalê de:

- Fîlmê Herî Serketî: Green Brook

- Lîstikvana Herî Serketî: Olivia Colman (The Favourite)

- Lîstikvanê Herî Serketî:  Christian Bale (Vice)

Beşa Komedî ya Rêzefîlm: 

- Rêzefîlmê Herî serketî: The Marvelous Mrs. Maisel

- Lîstikvana Herî serketî: Rachel Brosnahan (The Marvelous Mrs. Maisel)

- Lîstikvanê Herî serketî: Michael Douglas (The Kominsky Method)

Di Beşa Sînemayê de:

- Derhênerê Herî serketî: Alfonso Cuaron (Bi fîlmê "Roma")

- Lîstikvanê Herî serketî: Rami Malek (Bi rola di fîlmê Bohemain Rhapsoy de)

- Lîstikvana Herî serketî: Gleen Close (bi rola di The Wife de)

- Di beşa Fîlmê Biyanî yê Herî serketî de: "Roma"

- Anîmasyona Herî serketî: Spider-Man: Into the Spider-Verse

- Kurterêzefîlm an jî fîlmê TV yê Herî Serketî: The Assassination of Gianni Versace: American Crime Story

*Têbiniya Diyarnameyê: Ji ber ku me ji bo "Globe" peyveke xweş a bi kurdî peyda nekir me orjînala wê hilbijart û bikar anî.