Diyarname
Ji bo hilbijartina herêmî ya 31'ê adara 2019'an xebata nîşandayîna berendaman didome. Heta niha hin partiyan berendamên xwe nîşan dan lê HDP'ê heta niha hê kes nîşan nedabûn û îro yekem berendam nîşan da: HDP'ê, Wekîlê Serokê Koma xwe Ayhan Bilgen wekî berendamê Şaredariya Qersê nîşan da.

HDP'ê heta 19'ê mehê dema serîlêdana pêşberendamiyan dirêj kiribû. HDP'ê ji xwe re kiriye armanc ku hemû derên hikumetê bi kayûman dest daniye ser şaredariyan bi paş ve bigire û hin cihên din jî lê zêde bike. Ji van cihan yek jî Qers e. HDP dixwaze Qersê bi dest bixe ji bo vê yekê berendamekî xurt nîşan da: Ayhan Bîlgen. Bîlgen di peywira xwe ya li nav HDP'ê de heta niha baş xebitîbû û ji aliyê gelek kesî ve hatibû ecibandin. Piştî Selahattin Demîrtaş nebû hevserokê partiyê ji bo hevserokatî jî navê Bîlgen derbas bûbû. Û niha Bîlgen kirine berendamê Şaredariya Qersê. Ger bi serketinek çêbibe dê bibe yek car ku HDP li Qersê şaredarî bi dest dixe.
Her wiha di nîqaşa komîsyona hilbijartinê de ji bo Erdexanê navê Taşkin Aktaş derketiye pêş.
Di rojên pêş me de HDP ji bo bajarên din jî dê berendamên xwe eşkere bike.