Diyarname

Kovara Şewçila hûmara xo ya newî ya payîza 2018'inan vete. Di ene hûmara de 4 nuşteyê derheqê huner û edebîyatî de, 3 hebê înan tercume 9 hîkayeyî û yewê ci tercume 6 şiîrî estê...

Hûmara 16'inan a Şewçila ke enke vejîya de yew nuşteyo muhîm yê edîb û roşinbîro spanyol Juan Gotisoloyî (1931-2017) esto, “wendiş û newe ra-wendiş”ê metnanê edebî ser o nuşto. Murad Canşadî derheqê orîjînalîya Mem û Zîna Ehmedî Xanî ser o nuşto û sey esero pêarde têkilîya Mem û Zîne û destanê Memê Alan munaqeşe kerdo. Bîlal Zîlanî heyat û şiîranê Mela Mehmedê Nêribî ser o nuşto. Nûrî Keleşî zî “Sanikê Hezar û Yew Şewe” de rêça kurdan teqîb kerda.

Ekolê realîzmê efsûnî yê edebîyatê Amerîkaya Latîne ra di hîkayeyê Jorge Luis Borgesî (1899-1968) “Xincere” û Hîkayeya Rosendo Juarezî” û edebîyatê arminîyan ra zî yew hîkayeya Hagop Mintzurî (1886-1978) “Herê Mela Umerî” ena hûmare de estê.

Huseyîn Karakaş, Roşan Lezgînî, Îsmet Borî, Îdrîs Yazar, Huseyîn Çakan bi niştey xo; Mela Mehmedê Nêribî, Havîn Acar, Dilo Bargiran, Canê Dilo, Çilkanî Ulyanî û Sîyamend Mîrvanî jî bi şiîranê xo kovare de ca girotê.