Diyarname
Fîlmê kurdî "Zagros" ku qala çîroka şivenekî kurd dike li Belçîkayê di festîvalê de hat nîşandayîn û bi girtina du xelatan bi ser ket. Di festîvalê de fîlmê belçîkî "Le fidele" xelata Derhênerê Herî Serketî jî di nav de 5 xelat girt.
11'emîn Festîvala Fîlman a Ostendê ku li bajarê Ostendê a Belçîkayê li dar dikeve îsal 7'ê mehê dest pê kir û 15'ê mehê bi merasima xelatdayînê bi dawî bû. Festîvala her sal xelatê dide fîlmên sînemayê îsal fîlmê televîzyonan jî lê hatibûn kirin. Di festîvalê de fîlmê Sehîm Omer Xelîfe yê bi navê "Zagros" xelata mezin a festîvalê "Ensors" ku Xelata Fîlmê Herî Serketî ye bi dest xist. Her wiha fîlmî "Xelata Senaryoya Herî Serketî" jî girt.
Di festîvalê de Michael R. Roskam bi fîlmê xwe "Le fidele" xelata "Derhênerê Herî Serketî", lîstikvan Matthias Schoenaerts xelata "Lîstikvanê Herî Serketî" (bi rola di filmê Le fidele de). Her wiha fîlmê "Le fidele" di warê Derhênerê Dîmenê yê Herî Serketî û Xelata Dîzayna/Hilberîna Herî Serketî jî girt.
Xelata Belgefîlmê Herî Serketî jî belgefîlmê derhêner Christina Vandekerckhove yê bi navê "Rabot" girt.
Zagros xelatan berhev dike
Derhêner Sehîm Omer Xelîfe di sala 1980'ê de li Başûr hatiye dinê,
par fîlmê xwe yê metrajdirêj "Zagros" kişandibû. Ev yekemîn fîlmê wî yê metrajdirêj e. "Zagros" heta niha Belçîka, Skoçya, Stockholm, Dubaî, Mehr, Dubaî û gelek cihên din beşdarî festîvalan bûye û bi serketinê vegeriyaye.
Fîlm çîroka şivanekî kurd yê bi navê Zagros pêşkêş dike. Jina wî Havîn bi zînayê tê sûcdarkirin, ji ber vê yekê Havîn ligel ji Kurdistanê direve diçe Brukselê. Zagros bi Havînê bawer e ku ew bêsûc e. Zagros jî dikeve dû û jiyaneke nû li pêş wan e.
Derhêner Sahim Omer Kalifa kurdekî Başûr e û di sala 1980'ê de hatiye dinê. Ev fîlmê wî yê metrajdirêj yê yekemîn e ku di sala 2017'an de kişandiye.
Kunye:
ZAGROS
Derhêner: Sehîm Omer Xelîfe
Senaryo: Sehîm Omer Xelîfe, Jean-Claude van Rijckeghem
Muzîk: Rutger Reinders
Lîstikvan: Feyyaz Duman, Halime Îlter, Darîa Mohamed Gulli, Brader Musîkî, Suat Usta, Elvan Koçer
Sala Kişandinê: 2017
Mawe: 95 deqe
Ziman: Flemenî û kurdî