Diyarname
Kovara Nûbiharê ku sê mehan carek derdikeve bi hejmara xwe ya 144'an derket pêşberî xwendevanên xwe.

Kovara Nûbiharê hinek bi derengî be jî hejmara xwe ya nû, ya havîna 2018'an derxist. Edîtorê kovarê Suleyman Çevîk di nivîsa edîtor de ji bo dereng derketinê wisa gotiye ku ev yek di heman demê de rewşa dawî ya Tirkiyeyê nîşan dide: "Wekî tê zanîn van demên dawî qîmeta pereyê Tirkiyê li hember Dolar û Euro kêm bû. Bi carkî ve bihayê kaxez zêde bû, bi ser de nehate peydakirin jî…
Kaxez ji derve tê Tirkiyê û wekî her weşanxaneyê em jî bi Dolar û Euro distînin… Ev jimara dawîn du hefteyan li çapxanê ma. Me ji bo çapê amade kir û şande çapê, lê ji ber van sedeman encax piştî du hefteyan çap bû…
Biborin, vê qeyrana aboriyê li derketina Nûbiharê jî tesîr kir û ev jimar ji du hefteyan zêdetir dereng derket. Bi derengî be jî şukir jimara 144an jî derket…"

Ligel helbest, çîrokan nivîsên lêkolîn û nirxandinê jî reng dane kovarê. Didu ji wan; Rohat Alakom li ser "Di Romana Swêdî de Koçberiya Kurdan", Mûrad Celalî jî "Di Çîrokên Hezar û Yek Şevê de Kurd" girtiye dest.

Li ser ziman jî du nivîs hene: Cîhan Roj mijara "Têkiliya hin Peyvên Kurdî û Akadî" û  Miradxan Şemzînîî jî mijara "Devoka Devera Şemzînan di nav Zaravayê Kurmancî de" girtiye dest.

Ji hevpeyvînan jî Nîhad Gultekîn ligel Karîna Osêyan hevpeyvînek kiriye û ew bi navê "Ezê kulmên xwe yên tijî hêsir birijînim bi ser welat de: Bila gul û sosinê welat gulan bidin!" hatiye weşandin.

Di kovarê de nivîs, helbest, nirxandinên kesên wekî Berken Bereh, Rojen Barnas. Merdan Newayî, Medetê Seyranê, Îsmaîl Şems, Hafizê Şîrazî, Xweşmêr, Johann Wolfgang von Goethe, Maruf Xeznedar, Mewlana Celaleddînê Romî, Ayhan Yildiz, Ferec Koyistanî, Qedrî Sipranî, Shahîn Bekir Soreklî, Kevok Mizgîn, Felat Dilgeş, Sîpanî,  Mela Muhemmed Gulnar, Firat Keklîk, Sê Dîmen û Cewabek, Talat İnanç, Miradxan Şemzînî, William Saroyan di kovarê de cih girtine.
Ji bo têkilî: Tel: 0212 519 00 09- 0505 259 84 02
Mail: nubihar@gmail.com

*******

REKLAM

  
Daweta we heye û vexwendename lazim e? Fermo, ji bo vexwendnameyan malpera ku hûn serî lê bidin: http://www.davetiyeonline.net/
Bi sedan cureyên vexwendnameyan li benda we ne. 
Bi her zimanî em dikarin ji bo we vexwendnameyan amade bikin.
Navnîşan: Yıldıztabya Alibeyköy Cad.No: 156, Alibeyköy Eyüp-İstanbul, 
Telefon:  0212 -6266455
E-mail: info@davetiyeonline.net