Diyarname
Ma kî bawer dikir dê Serena jî têk here? Erê ew jî têk diçe. Em qala tenîskara navdar Serena Williams dikin ku ew tam bi temamî 23 caran şampiyoniya grand slamê bi dest xistiye.Lîstikvana japon Naomi Osaka bi 6-2, 6-4 di du setan de ew têk bir û bû şampiyon.
Maç li New Yorkê li dar ket. Di maça yek bi yek a jinan de Osaka û Williams hatin hemberî hev. Maç saetek û 19 deqe dom kir. Osakaya 20 salî Williams têk bir û di jiyana xwe de hem yekem car bû şampiyon, hem jî bû yekem japon ku di granm slamê de dibe şampiyon.
Piştî serketî Osaka ji kêfan giriya, bi hêstir barînê got: "Min dizanî her kes piştgiriya Serenayê dike. Ez xemgîn bûm ku maç bi vî awayî bi dawî bû. Ez sipasiya her kesî dikim ku li maçê temaşe kirin. Diya min ji bo min gelek fêdekarî kir. Hat vir û li maçê temaşe kir, ev yek ji bo min gelek mûhîm bû ji ber ku ew tiştên wisa nake."
Tenîskara japon Osaka bi vê serketinê ligel platekê 3.8 mîlyon dolar jî pere girt.
Di vê navberê de Williams di seta duyem de ligel hakêm nîqaş kir. Williams di salên 2009 û 2011'an de jî di maçan de ligel hakêm ketibû nîqaşê û ji ber van kirinên xwe cezayê pere xwaribû.