Diyarname
Heta niha li ser rêzimanên kurdî (kurmancî) hin pirtûkên rêzimanê hatibûn weşandin, niha yeka din li wan zêde bû. Şêxmûs Aslan bi navê "Lêkolînek li ser rêzimana kurdî (kurmancî) pirtûka xwe amade kir. Pirtû ji Weşanên NA'yê derket.

Pirtûk ji 477 rûpelan pêk tê û Aslan dibêje ku 15 salan li ser xebitiye. Aslan li ser armanca amadekirina pirtûkek bi vî rengî wisa dibêje: "Armanc naskirina qeydeyên zimên e. Loma di vê xebatê de, ez ji qeydeyê tê zanîn re li mînakan negeriyam. Min xwest, ez qeydeyên di bêje û hevokên kurmancî de hene bidim naskirin, lewra van qeydeyana perwerdeya zimîn in."
Aslan îdîayeke mezin tîne ziman: "Kesên ku rêzimana kurdî nivisîne, yek jî bi fîlolojîya kurdî perwerde nebûne" û wisa didomîne: "Pirî wan nivîskarana mamoste ne û bi tirkî perwerde bûne. Eger kesên wekî me kanin rêzimanan binivîsin, va yeka ne ji şarezatiya me ye, ji tekûzbûn û sivikbûn û zelalbûna vî zimanê şîrîn e."
Nivîskar Şêxmûs Aslan dibêje ku di vê pirtûkê de gelek xalên nû li rêzimaniya kurmancî hatine zêdekirin û wisa dibêje: "Sentaksa kurmancî belkî cara ewil e, bi rêbazek zanistî û rêkûpêk di vê pirtûkê de hatî nirxandin. Pêwendiya di navbera hêmanên hevokê de û cûrên hevokan bi zelalî daye naskirin. Di vê pirtûkê de, mînakên ji bo şîrovekirina têgîniyên rêzimanî hatine dayin, hemî ji zargotina kurmancî û nivîskarên navdar hatine girtin."
Di pirtûkê de her mijar bi tabloyan hatiye dayîn û di dawiya pirtûkê de jî nêzî 40 rûpelî tenê ji bo tabloyan veqetindane. Di van tabloyan de mijar hatine ravekirin.

Şêxmûs Aslan kî ye?
Nivîskar Şêxmûs Aslan di sala 1955'an de li gundê Kolbexta Erxeniya Amedê hatiye dinê. Di sala 1974'an de "Dicle Ogretmen Okulu" xwendiye û bûye mamoste; di sala 2003'yan de ji vî karî teqawit bûye. Wî di nav xebatên Enstîtuya Kurdî ya Amedê û Kurdî-Derê de kar kiriye.
Pirtûkên wî yên ku derketine:
- Ferhenga Biwêjan / 2015
- Ferhenga Gotinên Pêşiyan /2015

- Lêkolînek Li Ser Rêzimana Kurdî (Kurmancî) / Şêxmûs Aslan / Weşanên Na / Lêkolîn / 477 rûpel / 2018

********

REKLAM

  
Ji bo vexwendnameyan malpera ku hûn serî lê bidin: http://www.davetiyeonline.net/
Bi sedan cureyên vexwendnameyan li benda we ne. 
Bi her zimanî em dikarin ji bo we vexwendnameyan amade bikin.
Navnîşan:
Yıldıztabya Alibeyköy Cad.No: 156 
Alibeyköy Eyüp-İstanbul, Telefon:  0212 -6266455