Diyarname
Nûçeyeke wisa hat belavkirin: Li dinyayê xebata 400 hezar zanyaran bêyî ku ji aliyê zanyarên hakîm ve bê nirxandin di nav kovarên zanistî de hatine weşandin ku ev yek cihê şikê ye. Li Zanîngehê Almanyayê û li saziyên hîndekariya bilind ên alman de ev reqem li gor 5 hezarî ye.
19'ê mehê weşanên alman NDR, WDR û Suddeutsche Zeitung Magazîn ev nûçe weşandin. Nûçe dibêje ku li hin derên dinyayê weşanger ligel mirovên zanyar û kompaniyan ketine nav têkiliyê û gotine ew dixwazin xebata wan di kovarên xwe de biweşînin. Di vê çarçoveyê de beramberî girtina hin pereyan xebatên wan di nav çend rojan de weşandine. Di rewşa asan de xebatên wisa berî di kovarên zanistî de bêne weşandin ev xebat ji aliyê pêzanan ve têne nirxandin. Pêzan ji aliyê pirsên lêkolînê, rêbarên lêkolînê û daneyên bikar anîne ve wan xebatan dinirxîne û biryarê dide ku hêjayî weşandinê ne yan na. Lê derket holê ku bi sedhezaran xebatên wisa bêyî vê nirxandinê hatine weşandin.
Weşanên alman li ser vê nûçe çêkirni û berê xwe dan xebatên wisa yên li Almanyayê jî.  Nûçe dibêje Bayerê (kompaniya kîmyayê û yê dermanan e) li ser berhemên xwe nivîsên ku xebatkarên wan nivîsandine di kovarên wisa şikber de dane weşandin. Her wiha nûçe dibêje ku kompaniyên titûnê jî nivîsên wisa dane weşandin.
Wekî nota dawî, her sê weşanên alman ev lêkolîna ku kirine û kirine nûçe, rojnameya fransiz Le Monde jî di nav de ligel hin weşanên din ên navneteweyî çêkiriye.