Diyarname

Maçeke Lîga Şampiyonan bifikirin. Çavê hemû dinyayê li ser e. Û yek, yanê tenê kesek ji navê radibe di maçê de 4 golan ser hev de. Ma pêdivî bi sernavê çêdibe. Helbet em qala Messi dikin. Messiyê ku dişibînin Maradonayê, ew ê ku li gor hinan cihê Maradona girtiye jî.

Belê, di maça çarîk fînalê ya di navbera Barselona û Arsenalê de lîstikvanê Barselonayê Lionel Messi 4 gol avêtin û tîma xwe derbasî nîvfînalê kir. Di maça din a çarîk fînalê de Înterê bi gola Wesley Sneijder tîma CSKA Moskova têk bir û derbasî çarîk fînalê bû.

Maça yekem a di navbera Barselona û Arsenalê de li Îngilistanê 2-2 wek hev bi dawî bûbû. Di maça duyem de Barselonayê li mala xwe lîst. Di deqîqeya 18'an de Arsenal bi gola Nicklas Bendtner 1-0 derket pêş. Lîstikvanê ji Arjantînê Messi di deqîqeya 21, 37 û 42'yan de bersiv da û Barselona 3-1 derxis pêş. Beşa yekem a maçê bi vî awayî bi dawî bû. Û gotina dawî dîsa Messi got. Messi di deqîqeya 88'an de jî gol avêt û tîma xwe derxist nîv fînalê.

Di Lîga Şampiyonan a îsal de heta niha Messi 4 gol avêtin û bi vê maçê reqema golên xwe derxist du qatî, yanê derxist 8'an.

Gotina dawî: Em sipasiya xwe pêşkêşî lîstikvanê tîma Katalan Barselonayê Messi dikin ku maçeke wisa xweş û bi coş pêşkêşî me sporhezan kir.

Ji bo temaşekirina golan pê lê bikin: Barselona-Arsenal

Ji bo temaşe golan di youtube de: