Diyarname

5'emîn Festîvala Fîlmên Çiya îsal 30'ê mehê dest pê dike. Di festîvalê de fîlmên li ser çiya, li ser xwezayê têne nîşandayîn. Fîlmên di festîvalê de bê pere têne nîşandayîn.

Festîvala Fîlmên Çiya 30'ê adarê dest pê dike û heta 5'ê avrêlê li dar e. Fîlmên festîvalê wê li Stenbolê li salona sînemayê ya Navenda Çanda Fransiz, Şanogeha Muamer Karaca û Aynaligeçîtê bêne nîşandayîn.

Di festîvalê de bi dehan fîlmên li ser çiya, li ser xwezayê û li ber hawirê hene. Fîlmên li ser koçê, fîlmên li ser rêwîtiyê jî hin fîlmên ku di vê festîvalê de wê bêne nîşandayîn.

Di nav fîlman de belgefîlmê derhênerê kurd Kazim Oz ê bi navê "Şexawan" jî heye. "Şewaxan" ku li ser jiyana eşîra kurdan Şexawan e herî dawî vê mehê di Festîvala Fîlman a Enqereyê de xelat girtibû.

Her wiha di vê çarçoveyê de wê Şahiya Festîvalê ya Xweza-Rockê (31 adar, li Ghettoyê), gotûbêjeke li ser "Çiya" (2 avrêl, Navenda Çanda Fransiz, saet 19.00), hin gotûbêjên din jî wê li dar bin. Dîsa pêşangeha wêneyan bi navê "Bertîj" (4 avrêl, Şanogeha Muammer Karaca, saet 14.00) wê li d ar bikeve.

Ji bo kesên eleqedar cihê nîşandayîna fîlman:

Navenda Çanda Fransiz:
İstiklal Caddesi No. 4,Taksim

Şanogeha Muammer Karaca
İstiklal Cad. Muammer Karaca Çikmazi No:3 Taksim

Aynaligeçit
Meşrutiyet cd. Avrupa Pasajı No:8 kat.2 Galatasaray