Ji TZPKurdî gavên nû yên ji bo kurdî
Diyarname
Desteya Ahengîsaz a Tevgera Ziman û Perwerdehiya Kurdî (TZPKurdî) civîna xwe li dar xist û hin biryarên nû girt.
Desteya Ahengîsaz a Tevgera Ziman û Perwerdehiya Kurdî (TZPKurdî) piþtî konferansa sêyemîn civîna xwe ya duyemîn li dar xist. Di civînê de rewþa siyasî û xebatên TZPKurdî hatin nirxandin, plansaziya giþtî ya dema nû hate kirin. Di civîna navborî de helwesta rayedarên Tirkiyeyê wekî helwesteke xapandina gelê kurd hate binavkirin û wisa hate gotin: “Rayedarên dewletê digel hemû gengeþî û gotûbêjên der barê çareseriyê de bi tu awayî naxwazin dev ji polîtîkayên red û înkarê berdin. Her wiha di warê zimanê kurdî de rayedarên dewletê li pey dek û dolaban in, ji ber vê yekê jî naxwazin mafê herî rewa yê gelê kurd ango mafê perwerdehiya bi zimanê dayikê bipejirînin."
Di civîna Desteya Ahengîsaz a TZPKurdî de der barê biryara weþanên radyo û televîzyonan de jî ev nirxandin hate kirin, “Ev biryar ji bo rayedarên Tirkiyeyê belkî gaveke mezin be, lê ji bo gelê kurd gaveke biçûk e, ji ber ku gelê kurd ev kêþe bi destê xwe çareser kiriye. Lê belê ev biryar jî nîþan dide ku divê gelê kurd têkoþîna xwe ya ji bo parastin û pêþvebirina zimanê kurdî geþtir bike û mafê perwerdehiya bi zimanê kurdî heta radeyekê di pratîkê de bi hêz û xebata xwe pêk bîne.”
Desteyê bang li saziyên demokratîk ên gelê kurd û têkoþerên zimanê kurdî hate kirin ku xebatên xwe yên hiþmendî û hîndekariya kurdî geþtir bikin.
Her wiha di komcivînê de ev biryar hatin gitin:
1- Di nava salekê divê li Amedê mitîngeke girseyî ji bo zimanê kurdî were lidarxistin.
2- Cejna zimanê kurdî bila îsal li Cizîrê bi mihrîcanekê bê pîrozkirin.
3- Li dibistanan kampanyaya axaftina bi kurdî were destpêkirin.
4- Xebata anketan were kirin.
5- Divê siyaseta zimên were diyarkirin.
6- Konferansa Hiþmendiya Zimên bila bi beþdariya kesên navneteweyî were lidarxistin.
7- Komxebata Ziman û Perwedehiyê di bin banê KCD'ê de were pêkanîn.
8- Bila Meclisa Zimanê Kurdî di bin banê KCD’ê de were avakirina.
9- Kampanya ku TZPKurdî ji bo daxwaznameyan daya destpêkirin, ji hêla ciwanan ve were xurtkirin. Divê çarçoveyê de meþên girseyî werin lidarxistin.
10- Divê di pêþengiya jinan de pêngaveke ziman were destpêkirin.
11- Ji bo sersalê ji aliyê TZPKurdî ve wekî kampanyayekê dê ji di serî rêberê gelê kurd û divê ji hemû girtiyên azadiyê re kartên sersalê bên þandin.
12- Di malên cil þûþtinê yên bi piþtgiriya þaredariyan de perwerdehiya zimanê kurdî were dayîn.
13- Di malên gel yên perwerdehiyê de perwerdehiya zimanê kurdî were dayîn.