Batman
Şaredariya Batmanê ji bo bîranîna derhênerê navdar Yilmaz Guney pêşbaziya kurtefîlman a kurdî li dar dixe.

Şaredarê Batmanê Nejdet Atalay civîneke çapemeniyê li dar xist û diyar kir ku pêşbaziya kurtefîlman a kurdî daye dest pê kirin. Fîlm divê herî zêde 20 deqîqe û bi kurdî bin, her wiha jêrnivîsa wan jî yan bi tirkî yan jî bi îngilîzî bin. Pêşbazî dê 4'ê sermaweza 2010'an de li dar bikeve û yên ku bi ser ketine dê bêne xelatkirin.

Atalay di daxuyaniya çapemeniyê de wisa got: "Me berê jî diyar kiribû ku her mehê emê çalakiyeke çandî li dar bixin. Em wekî şaredarî di 4'ê sermaweza 2010'an de 'Pêşbaziya Kurtefîlman a Yilmaz Guney' li dar bixin. Emê piştgirî bidin kesên nû beşdarî vê qadê û bûne û bi vê yekê dê bingeha sînemaya kurdî bê avêtin. Armanca me ew e ku sînemagerên kurd bêne ba hev û projeyan saz bikin."