Diyarname

Kaykerdoxanê tenîsî yê jîhatî ra jo jî Serena Williams a. Enka serê jiyaney ay de belgefîlmêke hame viraştişî ke no belgefîlm pênc beşî yo.

Kanalê HBO belgefîlmê Williams e ant û di panc hefteyan de, her hefte beşêke go bimocno ra. Namey belgefîlmî "Being Serena" naw ro û beşê yê joyîn go 2'yê mengey gulanî de bêro neşrkerdin.

Williams bi awakarê Redditî Aleksis Ohanian re zeweciyawa û serey par keynayke yînan a bi namey Aleksis hamî dinya. Belgefîlm de zewacê Williamse, keynay cay, meselay dadîtî, dimay zewacîra reyna kaykerdişê tenîsî, karsazî, jiyayey malbatey înan û çî bî hamey hedrekerdin.

HBO qeybî projî ana vat: "HBO kêfweş o ke serê projey Serena Williams de xebetiyawo. Serena ciwanî xo ver verê çiman de wa la ay îmajê xo jî her parasto. Ma û ortaxê ma IMG ma go jiyana ay ê teberê kortan bimocnê ra."

Serena Williams 39 rey bî Şampiynê Grandî, çar hebî madalyayê Olimpiyatî girotî, di serey 2015'ninan de qeybî bergê kovarey Sport Illustrated foto ant û heman sere zey kaykerdoxa jîre ya sere hamî weçînayişî. Ossociated Pressî çar rey tenîskara namdar zey Sporkara Sere ya Pîreke weçîna.