Diyarname

Li Herêma Efrînê destûra firîna balafiran di destê Rusyayê de ye. Bêyî erêkirina Rusyayê kes nikare balafiran bifirîne. Ligel vê yekê jî îro balafirên şer ên dewleta Tirkiyeyê bombe bi ser herêma Efîrênê de barandin.

Li ser vê yekê Rusyayê hê daxuyaniyeke fermî neweşandiye. Nayê zanîn destûr hatiye girtin yan na. Lê li gor nûçeya Sputnîkê Cîgerê Serokê Komîteya Konseya Ewlehî û Parastinê yê Federasyona Rusyayê Frants Klintseviç gotiye ku ewê li Neteweyên Yekbûyî bixwazin ku Tirkiye dawî li operosyana xwe ya li Efrînê bîne.

Her wiha nûçe dibêje Cîgirê Wezîrê Karên Derve yê Îranê Huseyîn Cabir Ensarî jî ji bo çapemenî gotiye ku li Sûriyeyê operasyoneke li bejahiyê dê bandorê li Kongreya Diyaloga Neteweyî ya Sûriyeyê ku dê rojên 29-30'yê vê mehê li Soçî li dar biketa bike. Ensarî wisa gotiye: "Operasyoneke bejahiyê bi awayekî erênî yan jî neyênî dê bandorê li kongreyê bike.  Em hêvî dikin dê ewlekarên (Rusya, Tirkiye û Îrah) şerawestina li Sûriyeyê ji bo tiştek wisa çênebe bikevin nava tevgerê."

**

Nûçeyên Eleqedar:

- Balafirên tirk herêma Efrînê bombebaran kirin

- Navdarên dinyayê ji bo Efrînê dest bi berhevkirina îmzeyan kirin