Diyarname
FIFA xelatê kaykerkox, teknîk dîrektor û 11 kaykerdoxê serkewtî bi merasimêke kerdî vila.
Teknîk dîrektorê tîmanê neteweyî û kaptanên tîman, komêke miyanê rojnamegeran re rey danê û miyanê fûtbolî ra qeybî FIFA yînanî serkewtî weçînenê. Di weçînayişê emsarî de Cristiano Ronaldo zeg Kaykerdoxa Tewr Serkewte hame weçînayişî. Hetê qeleparêzan de jî qeleparêzê îtalî Gianluigi Buffon bî joyîn. Hetê pîrekan de jî xelatey lîstikvana serkewtî Lieke Martens a hollandî ke Barselona de kay kena bî joyîne.
Teknîk Dîrektorê Real Madrîdî Zinedine Zidane jî bî teknîk dîrektoro serkewte yê serey 2017'inan. Real Madrid di bin rêberî Zidane de par hem di Lîgey Şampiyonan a UEFA de, hem di Lîgê Spanya de bîbî şampiyon.
FIFA û FIFPro (Jobîney Fûtbolkarên Profesyonel) enî 11 tenî zey kaykerdoxê serkewtî di miyanê tîman de weçînay:
- Qeleparêz: Gianluigi Buffon (Îtalya)
- Defans: Leonardo Bonucci (Îtalya), Dani Alves, Marcelo (Brezîlya), Sergio Ramos (Spanya)
- Miyanê Seha: Andres Iniesta (Spanya), Luka Modric (Hirvatistan), Toni Kroos (Almanya)
- Forvet: Lionel Messi (Arjantîn), Cristiano Ronaldo (Portekîz), Neymar (Brezîlya)
Hetê pîrekan de jî teknîk dîrektora Tîma Netewî ya Hollanda Sarina Wiegman bî joyîne. Hollanda emsar Tûrnûvay UEFA ya Pîrekan de bîbî şampiyone.
Hetê paso serkewte yê qeybî gole de Arsenal ra lîstikvano fransiz Olivier Giroud eyşt bî û bi ê pasî xelate girote.
Xelatey Play Fair a FÎFA jî Francis Kone girot. Kone welatê Togo ra wo û di lîgey Çekya de kay keno. Di maçey Bohemians û Slovacko de Kone jiyaney qeleparêzê tîmê rewîbî Berkovic rizgar kerd bî. Xelatey Paştîgirotanê Tîman de jî paştîgirotanê Celticî xelate girote.
Serey 2010'inan ra nat Koverey France Football û FIFA têdir enî xelatî dayne la par ene şirîkatî yînan xerepiya û FIFA bi serey xo xelate da. Qeybî xelatan Londonê Îngilistanî de merasimêke pîl viraşt.