Diyarname
Sari Saten, Ricky, 11′e 10 Kala, Surrogates û The Ugly Truth vê hefteyê 5 fîlm hene. Sari Saten û Ricky bi mijarên xwe derdikevin pêş.

Sarı Saten: Gunahkârların Aşki - Laçika Zer: Eşqê Gunehkarek

Derhêner: Mehmet Çoban
Lîstikvan: Hatice Balaban Çoban, Menderes Samancilar, Anton Algrang, Lisa Hahn

Meryema (Hatice Balaban Çoban) 17 salî ji ber ku bi zorê dê bizewicînin xwe dispêre kurê xalê xwe bîlalî lê bi şîdeta cinsî re rû bi rû dimîne. Meryema ku serî hil dide ajokarê texsiyê Galip Abi (Menderes Samancilar) xwedî lê derdikeve û wê diparêze. Bi ser re 17 sal derbas dibin vê carê keça Meryemê Esra bi heman talûkeyê re rû bi rû dimîne. Meryem dê hewl bide ku keça xwe rizgar bike.
Fîlm li Almanyayê derbas dibe û li ser şîdeta li hemberî jinan, tilyak, ol, hîlebazî kîteyên balkêş pêşkêş dike.

Ji bo fragmanê:

***

Kadin Akli Erkek Akli -The Ugly Truth

Derhêner: Robert Luketic
Lîstikvan: Katherine Heigl, Gerard Butler, Eric Winter, John Michael Higgins

Fîlmê derhêner Robent Luketic bi navê "Kadin Akli Erkek Akli" li Tirkiyeyê ket vîzyonê. Abby ji bilî ezebiya xwe ji bo her tiştî çareserî dîtiye. Ew bernameyê ji bo televîzyonê amade dike. Piştî ku reytîngên wî dadikevin mecbûr e tevî Mike ku nû dest bi kar kiriye bibe ekîbek. Bi vê yekê re reytîngên wan dîsa bilind dibe û Mike cihê xwe biewle dike. Abby dema bi cîranê xwe Colin re hevdinase ji bo gavên baştir bavêje pêdiviya wê dê bi alîkariya Mike hebe.

***

Suretler - Rû - Surrogates

Derhêner: Jonathan Mostow
Lîstikvan: Bruce Willis, Radha Mitchell, Rosamund Pike, James Francis Ginty

Ajanê FBI li ser kuştina razber a xwendekarekî zanîngehê lêkolînê dike. Ev xwendekar bi kesê versiyona robotên bêhempa yê mirovan çêdike. Rûyên ku ji makîneyên bi qumandekirî ne îmkanê pêşkêşî mirovan dikin ku bêyî ji mal derkevin jiyana xwe bidomînin. Di dinyayeke ku hemû xwedî maskeyan bin de kî dizane kî robot e kî mirovê rastîn e?

***

Ricky

Derhêner: François Ozon
Lîstikvan: Alexandra Lamy, Sergi Lopez, Melusine Mayance, Arthur Peyret

Katie û Paco hev dinasin û wekî ku sêhr bi wan bikeve ji nişke ve aşiqê hev dibin. Mêweya eşqa wan xweşiktir e: Pitikek xweşik bi navê Ricky ji wan re dibe. Fîlmê ku ji çîroka kurt a nivîskarê îngilîz Rose Tremain a bi navê "Moth" hatiye girtin, bi gotina Ozon tirs, vesazkirina zanistî, komedî û hikayeyê di nava xwe de dihebîne.
Fîlmê ku îsal bûbû mêvanê Festîvala Fîlman a Navneteweyî ya Stenbolê jî bi çîroka xwe gelek balkêş e.

***

11′e 10 Kala - Ji 11'an de 10 mabe

Derhêner: Pelin Esmer
Lîstikvan: Nejat İşler, Mithat Esmer, Tayanç Ayaydin, Laçin Ceylan
Derhêner Pelin Esmer piştî fîlmê xwe "Oyun"ê vê carê "11'e 10 kala"yê pêşkêş dike. Di fîlm de Mithat beg koleksiyonerekî baş e. Ji bo wî Stenbol bi qasî koleksîyona wî hêja ye. Ji bo Ali jî tiştê biqîmet avahiya ku dergevaniya wê dike û derdora wir e. Niştecihên avahiyê ji ber tirsa erdhejê dixwazin avahiyê xira biken û ji nû ve çêbikin lê Mithat beg di vir de têkoşîna parastina koleksiyona xwe xurtir dike. Êdî ev her du zilam tenê dê li avahiyê qedera wan bigihe hev.