Diyarname
Di 10 salan de li 44 bajaran qet pirtûkxane venebûn ku di nav de gelek bajarên kurdan jî hene.

Mebûsa serbixwe ya Enqereyê Aylin Nazliaka di çarçoveya Zagona Agahîgirtinê de serî li Wezareta Çand û Tûrîzmê da û "hejmara pirtûkxaneyan" pirsî. Di encamê de derket holê ku di 10 salên dawî de li 44 bajaran qet pirtûkxaneyek nû venebûye.
Vane hin agahiyên balkêş ji vê encamê:
- Li Tirkiyeyê 1140 pirtûkxane hene.
- Di navbera salên 2004-2016'an de serjimariya Tirkiyeyê sedî 19.2 zêde bûye lê beramberî vê hejmara pirtûkxaneya sedî 16.6 kêm bûye.
- Di 10 salên dawî de li 44 bajarên ku 25 mîlyon û 436 hezar kes lê dijîn qet pirtûkxaneyên nû venebûne. Di nav van bajaran de bajarên kurdan Agirî, Bedlîs, Entab, Culemêrg, Mêrdîn, Sêrt û bajarên din Artvîn, Eskîşehîr, Konya, Mugla, Samsun, Yozgat û Kirikkale hene.
- Li gor hesabê sedê mîlyonek û 471 kesî pirtûkek nû dikeve.
- 127 pirtûkxane hê jî girtî ne. Li Amedê 7, li Kastamonu û Nevşehîrê 6, li Erzîncanê jî 5 pirtûkxane girtî ne.
Di dawiyê de Nazliaka dibêje ku desthilatdariya ku bi rê û piran pesnê xwe dide, ji rê û piran dor nehatiye ser çêkirina pirtûkxaneyan, yan jî desthilatdarî terciha xwe ji bo perwerdehî, zanist û çandê nekiriye.