LUQMAN GULDIVÊ

Mirov bi gelek xisletên xwe mirov e. Yek ji van xisletan ku diyarker e, ixtiyara mirovî ye. Ango ew behremendiya mirovî ya bijartinê û nexasim jî bijartina rêyên li pêÅŸiya xwe, tercîhên eleqedarî reng û awayê jiyana mirovî ya civakî; xulase bijartina çarenûsa mirovî, mirovî ji ruhberên din cihê dike. Ev di asta civakî de jî wisa ye, êdî ev civaka gundekî be, taxekê be, eÅŸîrekê be, miletekî be jî xwedî heman îhtîmama wateya însanî ye.
Di asta hiqûqa navneteweyî de, ev xislet û behremendiya mirovî, di encama berxwedan û têkoÅŸînên qewm, milet û hindikahiyên cihê de wekî mafê diyarkirina çarenûsa xwe hatiye bicihkirin. Lê belê ev jî di çarçoveyeke sînordarkirî, tercîhkêmkirî û yekrengkirî de hatiye terîfkirin. Ango mesele daketiye di çarçoveya sîstemên dewletdar ên heyî de biryara xweserî û xwerêveberiyên di ast û qonaxên cihê de dayînê.
Bi her halî bi vî rengê xwe jî ev mafekî rewa yê her civakê ye. Ango dema miletek, neteweyek bixwaze di vê çarçoveya teng de jî biryarê bide ka ew dixwaze reng û asta xweserî û xwerêveberiya wî ya di sîstema heyî ya dewletdar de çi be, ev mafekî wî yê rewa û heq e.
Meseleyeke din li vir ew e ku li baÅŸûrê Kurdistanê bi referandûma pêÅŸ tê dîtin 25'ê Rezberê bê lidarxistin, gaveke hiqûqî nayê avêtin, lewma qanûnên hiqûqa navneteweyî di vî warî de lihevkirineke bi hikumetên navneteweyî re ferz dikin. Dîsa jî ev ê tercîha kurdên BaÅŸûr di navbera du rengên xwerêveberiyê de diyar bike ku gelekî muhtemel e ku ev jî serxwebûn be. Encameke wê ya yekser a hiqûqî nebe jî ev girîng e.

guldive@yahoo.fr
16.06.2017, Yenî Ozgur Polîtîka

**
Hin nivîs û nûçeyên eleqedar:

- Referanduma serxwebûnê 

- Referandûm û emojiya ala rengîn

- Referandûma li BaÅŸûr 

- Serxwebûn

- 'Referandûma li Bakurê Iraqê xetayek mezin e'

- HDP der barê referandûma BaÅŸûr de çi difikire?

- 15 partî û rêxistinan biryara Referandûmê da