Li ser navê Partiya Yekîtiya Demokratîk a Xiristiyan ya Almanya (CDÛ) ya bi serokatiya Serokwezîra Almanya Angela Merkel, Serokwekîla Giştî ya Federal Julia Klockner bi peyamek bi dîmen Newroza gelê kurd û bi taybetî jî endamên partiya xwe yên kurd pîroz kir. 

Julia klockner peyama xwe bi gotina, endamên û alîgirên xweştivî û kurdên hêja ez ji dil û can cejna we ya sersala kurdî Newrozê pîroz dikim. Ev tiştek gelek xweş e mirov tevî malbatê li hev kom bibe, xwarinê bi hev re bixwe û cejna xwe pîroz bike. Kurdên xweştivî zêdeyî mîlyonekê kurd li Almanya dijîn, eger hûn bikarin li Almanya cejna xwe pîroz bikin ev yek ji bo me siyasetmedaran jî tiştekî gelek baş e, min bihîst ku beriya demekê kurt ev cejn li Tirkiyê hatiye qedexekirin. Em li vir li Almanya welatekî vekirî û azad in, azadî tê wateya ku mirov rêzê li bîr û baweriya kesên din bigrin. Lê azadiyê jî hin sînorên xwe hene û nabe mirov kesên din aciz bike, lê ev xweş e ku em bi hev re ligel kurdan li Almanya dijîn. Ez dizanim hûn beşekî girîng in ji oposîzyonê, lê ez jî bang li gelê kurd û bi taybetî jî ciwanan dikim û dibêjim li vir di nava partiya me CDU'yê de jî hûn dikarin cihê xwe bigirin û emê bi beşdariya we ya di nava demokrasiyê de kêfxweş bin û ez careke din Newroza we li we pîroz dikim.

Wergera ji almanî Ednan Kêstey

**

Wergerek din a Ednan Kêstey
- Çima Femînîstên Swêdê naçin serdana Selahattîn Demîrtaş?