Diyarname

Nuştox Mihanî Licokic kitabêke bîn bi naımey "Meymanê Homayî" vet. Kitab de 99 fiqray estê.

Tarîxey niştişê nê kitabî şino heta serey 1995. A çaxî Mehmûd Lewendî kitabê fiqrayan "Mala Xwedê" veceno, Mihanî Licokic kitab ra zehf hez keno û wazeno qismêke fiqran açarno kirmanckî. Wexto dest pê keno ke açarno kirmanckî verêra fiqray bînî yenê ê vîrî. Û ez dest bi niştişê yînan jî keno. Licokic vano, "00 fiqra û meselikê ke nê kitabekî de yê, qismêk mi kitabê kek Mehmûdî ra tadayê, qismêk zî mi bi xwu nuştê."

Kitabê Mihanî Licokicî par Amed de Weşanên Roşna ra veciya. Yê kitab de nêvato kamco fiqray Lewendiyê, kamco yê êyê. Eno hetro mesela zelal nêbiya. kamco yê kamî bê belkî muhîm nebo jî, la kitab balkêş o. Henî fiqray merdimî danê hewayişî, henî danê hizirkerdiş.

Fermo şimarê kitab ra di fiqray:

Ziwano Xerîb

Yew merre û leyîrê xwu teber a geyreynê. Reyke de çimê merreyî gineno pisînge ro. Merre sey kutikî keno “ewçe-ewç”. Pisînge senî ke nê vengî şinawena, vana qey kutik o, tersan ra uca ra remena. 

Merre leyîranê xwu ra vano 

- Yaaa tûtîno, şima zî bi çimanê xwu dî! Kiçî ziwananê xerîban bizano çiqas faydeyê ci esto!"

Fîl û Morcele

Rocêk fîl û morcele şinê sînema. Fîl vano:

- Eger babê mi bêro û mi etiya bivîno, go zehf biherediyo.

Morcele vano:

- Meterse, wexto ke babê to hame, ti xwu peyê mi de binimne!

Mihanî Licokic kam o?

Mihanî Licokic serey 1952 de derew Licey Licoke de ameyo dinya. Ew serey 1986 de şiyo Swêd, 1988 re nat bi kurdî (kirdkî û kurmancî) nişneno.

Heta enka enî kitabê cê veciyayê:

- Ehmedê Xasî / Mewlûdê nebî / Transkrîpsiyon: Mihanî / Firat Yayinlari, 1994

- Sanikan û deyîranê Licê ra / Arêkerdor / Vate, 2007

- Axîna Min Welat / Roşna, 2014

- Kulîlkên Biharê / Roşna, 2015

- Meymanê Homayî / Roşna / 2016