Diyarname

Rêxistina Rojnamegerên Sînornenas (RSF) li ser rojnamegerên di girtîgehê de li Berlînê rapora* xwe eşkere kir û diyar kir ku di vî warî de rekor di destê Tirkiyeyê de ye. Li gor raporê herî zêde li Tirkiyeyê rojnamegerên profesyonel di girtîgehê de ne. 

Berdevka Lijneya Rêveberiyê yê RSF'ê Britta Hilpert, li ser Tirkiyeyê wisa got: "Tirkiye ku hê jî berendama Yekîtiya Ewropayê ye wekî welatên Çîn, Sûriye û Îranê bûye neyarê azadiya çapemeniyê, wekhevbûna wekî van welatan nîşan dide ku rewşa rayedarên tirk a li hemberî azadiya çapemeniyê nîşan dide."

Vane hin kîteyên ji rapora RSF'ê:

- Li temamê dinyayê 348 endamên çapemeniyê ji ber pîşeya xwe di girtîgehan de ne. Li gor par sedî 6 hejmara rojnamegerên girtî zêde bûye.

- Ji van rojnamegerên girtî beşek mezin jê li  Tirkiye, Çîn, Sûriye, Misir û Îranê girtîne.

- Di nav van 348 endamên çapemeniyê de 187 rojnamegerên profesyonel, 146 nivîskarên blogan û 'hemwelatiyên rojnameger' in û 15 jî xebatkarên çapemeniyê ne.

- Li Tirkiyeyê bi ser 100'î re rojnameger girtîn eû ji van 41 kes raste rast ji ber pîşeyê xwe hatine girtin, loma herî zêde 'rojnamegerên profesyonel' li Tirkiyeyê girtî ne.

- Li Sûriye, Yemen û Iraqê 52 endamên çapemeniyê hatine revîn, 21 jê di destên rêxistina terorê DAIŞ'ê de ne. 

- Li Çînê 81 jê nivîskarên blogê û 'hemwelatiyên rojnameger' bi giştî 103 endamên çapemeniyê girtî ne.

- Li Misrê herî hindik 27 rojnameger girtîn e. Li Sûriyê 28, li îranê 24 endamên çapemeniyê ji ber karên xwe kirine girtîne.

- Li Misûlê nêzî 10 endamên çapemeniyê ev nêzî 2 salan in girtîne.

*Ev beşek rapora Bîlançoya Salane ya Azadiya Çapemeniyê ya RSF'ê ye. Beşa duyem dê 19'ê vê mehê bê eşkere kirin.

**

Nûçeya eleqedar:

- 2016: Ronaldo 'Xelata Goga Zêrîn' girt 

- 2016: Li gor BFI 30 fîlmên serketî 

- 2016: Vane pirtûkên ku îsal herî zêde hatine firotin