Diyarname

Xelatên Goga Zêrîn (Ballon d'Or) a FIFA'yê ku Kovara France Football organîze dike gihîştin xwediyên xwe. Lîstikvanê Real Madrîdê Cristiano Ronaldo îsal ev xelat girt. Di salên 2008, 2013 û 2014'an û îsal, bû 4 caran Ronaldo vê xelatê digire.

Ronaldo par bi tîma xwe Real Madrîdê Kûpaya Lîga Şampiyonan, bi tîma neteweyî ya Portekîzê jî Kûpaya Euro 2016 girt. Bi van yekan Ronaldo Ballon d'Or jî heq kir.

Ronaldo di merasima xelatgirtinê de diyar kir ku qet nehatiye bîra wî ku dê 4 caran vê xelatê bigire, kêfxweşiya xwe anî ziman û got: "Ez sipasiya hemû hevalên xwe yên tîma Real Madrîdê û tîma neteweyî dikim û sipasiya her kesê ku alîkariya min kirine ji bo ez vê xelatê bigirim dikim."

Kovara France Football di navbera salên 1956-2009'a de "Xelata Goga Zêrîn" da. FIFA'yê jî di navbera salên 1991-2009'an de bi navê "Lîstikvanê Fûtbolê yê Herî Serketî yê Dinyayê" xelat da. Di sala 2010'an de ev her du gihandin hev û her du bi hev re ji wê rojê de bi navê "Goga Zêrîn a FIFA'yê" xelatên didin.

Heta niha lîstikvanê arjantînî Lionel Messi 5 caran ev xelat girtiye (2009, 2010, 2011, 2012 û 2015)

Piştî Messi lîstikvanê portekîzî Ronaldo bi 4 caran tê. Ji bilî van her du lîstikvanan, heta niha tenê 3 kesan 3 caran ev xelat girtiye: Johan Cruyff ê hollandî (1971,1973 û 1974) , Michael Platini ê fransiz (1983, 1984 û 1985) û Marco van Basten ê hollandî (1988, 1989 û 1992).

Wekî têbiniyek: Gelek maperên tirk ku bi tirkî weşanê dikin heman nivîs (herhal ji hev kopîkirine) nivîsîne ku "Ronaldo bû 4 caran ev xelat girt û Messiyê ku 5 caran ev xelat girtiye li dû xwe hişt." Paşê jî dibêjin çima di "PISA"yê de zarokên tirk di matematîk û xwendinê de gelek li paş in? Ji vê nûçeyê diyar e çima!

Vane sal bi sal yên ku ev xelat bi dest xistine:

1956 – Stanley Matthews (Îngilistan)

1957 – Alfredo Di Stefano (Spanya)

1958 – Raymond Kopa (Fransa)

1959 – Alfredo di Stefano (Spanya)

1960 – Luis Suarez (Spanya)

1961 – Omar Sivori (Îtalya)

1962 – Josef Masopust (Çekoslavakya)

1963 – Lev Yashin (Yekîtiya Sovyetê)

1964 – Denis Law (Skoçya)

1965 – Eusebio (Portekîz)

1966 – Bobby Charlton (Îngilistan)

1967 – Florian Albert (Macaristan)

1968 – George Best (Îrlandaya Bakur)

1969 – Gianni Rivera (Îtalya)

1970 – Gerd Mueller (Almanyaya Rojava)

1971 – Johan Cruyff (Hollanda)

1972 – Franz Beckenbauer (Almanyaya Rojava)

1973 – Johan Cruyff (Hollanda)

1974 – Johan Cruyff (Hollanda)

1975 – Oleg Blokhin (Yekîtiya Sovyetê)

1976 – Franz Beckenbauer (Almanyaya Rojava)

1977 – Allan Simonsen (Danîmarka)

1978 – Kevin Keegan (Îngilistan)

1979 – Kevin Keegan (Îngilistan)

1980 – Karl-Heinz Rummenigge (Almanyaya Rojava)

1981 – Karl-Heinz Rummenigge (Almanyaya Rojava)

1982 – Paolo Rossi (Îtalya)

1983 – Michel Platini (Fransa)

1984 – Michel Platini (Fransa)

1985 – Michel Platini (Fransa)

1986 – Igor Belanov (Yekîtiya Sovyetê)

1987 – Ruud Gullit (Hollanda)

1988 – Marco van Basten (Hollanda)

1989 – Marco van Basten (Hollanda)

1990 – Lothar Matthaeus (Almanya)

1991 – Jean-Pierre Papin (Fransa)

1992 – Marco van Basten (Hollanda)

1993 – Roberto Baggio (Îtalya)

1994 – Hristo Stoichkov (Bulgaristan)

1995 – George Weah (Lîberya)

1996 – Matthias Sammer (Almanya)

1997 – Ronaldo (Brezîlya)

1998 – Zinedine Zidane (Fransa)

1999 – Rivaldo (Brezîlya)

2000 – Luis Figo (Portekîz)

2001 – Michael Owen (Îngilistan)

2002 – Ronaldo (Brezilya)

2003 – Pavel Nedved (Komara Çek)

2004 – Andriy Shevchenko (Ukrayna)

2005 – Ronaldinho (Brezîlya)

2006 – Fabio Cannavaro (Îtalya)

2007 – Kaka (Brezîlya)

2008 – Cristiano Ronaldo (Portekîz)

2009 – Lionel Messi (Arjantîn)

2010 – Lionel Messi (Arjantîn)

2011 – Lionel Messi (Arjantîn)

2012 – Lionel Messi (Arjantîn)

2013 – Cristiano Ronaldo (Portekîz)

2014 – Cristiano Ronaldo (Portekîz)

2015 – Lionel Messi (Arjantîn)

2016 – Cristiano Ronaldo (Portekîz)

Nûçeya çapemeniya tirk. Hema her kesî ji hev girtiye û şaşiya hev dom kiriye... 

**

 **

Nûçeya eleqedar:

- 2016: Li gor BFI 30 fîlmên serketî 

- 2016: Vane pirtûkên ku îsal herî zêde hatine firotin