AMED

Cemiyeta Rojnamegerên Azad û xebatkarên televîzyonên ku hatin girtin li Amedê hatin ba hev û peyama xurtkirina têkoşînê dan.

Bi pêşengiya Cemiyeta Rojnamgerên Azad û bi beşdariya nûner û rêveberên televîzyonên Azadî TV, Jiyan TV, Zarok TV, Van TV, Denge TV, Hayatin Sesî TV, TV10 û gelek sazî û dezgehên din an hatin girtin û rastî astengiyan t3en civîna çapemeniyê hat li darxistin. 

Civîn li Salona Resepsiyonê ya Sûmer Parkê pêk hat. Rêveberên rêxistinên KCD, HDP û DBP ên Amedê, nûnerên saziyên civakî yên sivîl û Hevşaredarên Bajarên Mezin ên Amedê Gultan Kişanak û Firat Anli û parlementerê HDP’ê yê Amedê Ziya Pîr jî amade bûn û piştgiriya xwe eşkere kirin.

Pêşî Hevserokê Cemiyeta Rojnamegerên Azad Haki Boltan axivî û got ku êrîş û girtina li dijî televîzyon û radyoyan pêk hatiye darbeya li dijî çapemeniya azad e û diyar kir ku dê ev darbeya li dijî çapemeniyê wekî deqek rûreşiyê di dîroka Tirkiyê de cih bigire. 

Dûre rojnameger axivîn. Vane hin gotinên wan:

Nûçegihana Van TV a Amedê Hulya Emeç:

Girtina televîzyonan gavek li dijî çand, ziman, nasname û nirxên gelê kurd nirxand.

Tu kes nikare me bi van êrîşan rawestîne û em ê ranewestin. Em bi van êrîş û girtinan natirsin. Yên ku dibêjin wê çapemeniya kurd û xebatkarên wê bitirsin xwe dixapînin. Em ê qet netirsin û nivîsandina rastiyan bidomînin. 

Edîtorê Weşana Giştî yê Azadî TV Îrfan Uçar:

Ev êrîş di dîroka Tirkiyê de wekî şermê dê bê zanîn. Kes nikare me asteng bike. Her ku biçe em ê rojnamegeriyê xurtir bikin û rastiyan derxin holê. Kes bi girtina Azadî TV û Zarok TV bi sernakeve.

Kordînatorê Weşana Jiyan TV Îbrahîm Aslan:

Êrîşa li dijî televîzyona me bêtehamûliya li dijî zaravayên kurdî ye. Me tenê weşana bi zimanê kirmanckî dikir, me daxwaza mafên mirovan, demokrasî û wekheviya gelên demokratîk dikir. Girtina Jiyan TV darbeya li dijî zimanê kirmanckî ye, lê kes nikare dengê gelan qut bike. 

Nûnerê Hayatin Sesî TV ê Amedê Cumhur Daş:

Ev êrîş li dijî çapemeniyê û TV’iyan darbeya li dijî çapemeniyê ye, Emê weşangeriya dengê gelan, karkeran û kedê bidomînin. 

Serokê Şaxa ÎHD’ê ya Amedê Racî Bîlîcî:

Ji ber van televîzyonan hemû rastiya herêm û Rojhilata Navîn dianîn ziman û weşan dikirin hatin girtin. Me wekî ÎHD’ê jî ji van weşanan geşedanên diqewimîn dibihîst. Piştî îlankirina OHAL’ê (Rewşa Awarte) hemû sazî, alî û saziyên çapemeniyê rastî êrîşan hatin lê dê têkoşîna mafên mirovan bi ser bikeve. 

Di dawiyê de Hevşaredara Bajarê Mezin a Amedê Gultan Kişanak û Parlementerê HDP’ê yê Amedê Ziya Pîr jî axivîn û piştgiriya xwe ya ji bo çapemeniya azad anî ziman. Pîr di axaftina xwe destnîşan kir ku ew ê darbeya li dijî çapemeniyê qebûl nekin û wiha got: “FETO çû niha jî RETO hat.” 

 **

Nûçeyên eleqedar:

- Li ser girtina TV û radyoya agahiyên nû 

- Demîral: Ji bo Zarok TV dîsa vebe çi hewce be emê bikin

- TURKSAT'ê kanalên kurdan girtin