Îro hevdîtina Mesud Barzanî, Osman Baydemîr û heyeta pêre li Selahedînê pêk hat.
Serokê herêma Kurdistanê Mesûd Barzanî li Selahedînê pêşwazî li Şaredarê Bajarê Mezin ê Diyarbekirê Osman Baydemîr, Şaredara Bazîdê Mukeddes Kubilay, Şaredarê Şirnexê Ahmet Ertak û Şaredarê Beytulşebab Faik Dursun kir.
Di hevdîtinê de Berzanî kêfxweşiya xwe ji bo şaredaran anî ziman ku beşdarî salvegera komkujiya Helebçeyê bûne û xwest ku têkiliyên xurt di navbera şaredariyên kurdan de çêbibin.
Her wiha Wezîrê Rewşenbîrî Felekedîn Kakeyî û Parêzgerê Bajarê Hewlêrê Newzad Hadî û Şaredarê Hewlêrê Sidqî Zirarî di hevdîtinê de amade bûn.
Baydemîr û heyeta pêre çû serdana Parlementoya Kurdistanê û bi Serokê Parlementoyê Adnan Muftî û Cîgirê Serokê Parlementoyê Kemal Kerkûkî re jî hevdîtineke pêk anî.
Di hevdîtinê de Muftî diyar kir ku Parlementoya Kurdistanê ji 12 komên entînîkî yên cuda pêk tê. Muftî daxuyand ku hemû komên li Herêma Kurdistanê di parlementoyê de jî tên temsîl kirin.
Şaredaran jî ji ber pergala hatiya avakirin keyfxweşiya xwe anîn ziman.
Şaredarên pişt re bi Wezîrê Rêveberiyên Herêmî Nazenîn Wsû ve hate qebûl kirin, bi heyeterê re li ser rêveberiyên herêmî danûstandina nêrînan kirin. Wsû kêfxweşiya xwe ya ji ber ku di heyetê de şaredarek jin heye, anî ziman û derbarê xebatên Şaredariya Bazîdê de agahî standin. Heyetê li bajar gelek saziyên wekî Şaredariya Hewlêrê ziyaret kirin. Heyetê piştî ziyaretkirina cihên dîrokî temasên xwe dawîkirin.
Peymaner - Dîha - Diyarname