Diyarname

Di çarçoveya lêpirsîna Ozgur Gundemê de zimanzan Necmiye Alpay jî hatibû binçavkirin. Ew îro ji aliyê 8'emîn Dadgeha Cezayê Sulhê ya Stenbolê ve hat tewqîfkirin. Ji ber ku Alpay jî endama lijneya şêwrê ya weşanê bû bi îdîaya "endama rêxistinê ye" hat tewqîfkirin.

Li gor nûçeya Canan Coşkun a di rojnameya Cumhuriyetê re Alpay di bin çavan de wisa gotiye: "Min berê di Radikal û Milliyetê de jî nivîsiye, ji bo teror û şîdet nebe ez her ketim nev tevgerê. Baweriya min ew bû bi weşandina Ozgur Gundemê dê pirsgirêka kurd çareser bibe, dê ev gav pêşî li pevçûn û mirinan bigire min piştgirî da rojnameyê."

Alpay bi daxwaza xwe çû îfadeyê bide dozger lê dozgerî bi gotina "şik heye ku bireve" ew tewqîf kir.

Berê jî Gerînendeyê Weşanê yê Ozgur Gundemê Zana Kaya, Berpirsê Karên Nivîsaran Înan Kizilkaya û nivîskara rojnameyê Asli Erdogan hatibûn tewqîfkirin.