Diyarname
Ajansa Sputnik ku bi gelek zimanan nûçeyan diweşîne îro piştî nîvro nûçeyek bi sernavê "Ji Demirtaş bo PKKê: "Çalakiyên xwe rawestînin" weşand. Li gor nûçeyê "Demîrtaş li Navenda Kongreya Tepekuleya Îzmîrê di daxuyaniya xwe ya çapemeniyê de" ev tişt gotine û gotiye; "hisabê sûcên ku AKPe dike nabe bi kuştina polês û leşkeran were pirsîn, divê PKK dawiyê li van çalekiyên xwe yên li bajêr û çiyayan bîne. Ji hêla me tu alternatîfeke vê tuneye, Lê û loya vê tuneye."
Ev nûçe di beşa kurdî ya Sputnukî de, îro saet 13.16'an de hatiye weşandin û di saet 13.37'an de hatiye nûkirin.
Bi kurtahî Demîrtaş îro li Îzmîrê bûye ji bo çapemenî gotiye û haya me jê tune?
Lê em jî dizanin ku Demîrtaş piştî komkujiya Entabê çû gera xwe ya li Afrîkaya Başûr bi paş ve xistibû, piştî teqînê çû û îro nû divê vegere Tirkiyeyê.
Me got, belkî 2 (du) heb Demîrtaş hene, yek li Afrîkaya niha, yek jî li Îzmîrê daxuyanî daye. Em li çapemeniya HDP'ê ya Stenbolê geriyan, gotin "Na, Hevserokê me îro vedigere, tenê hevserokek me heye."
Ka em çi bibêjin?
Em pirsên çawa bikin?
Belkî asta nûçegîhanên me ew qas e?
Yan jî ber xwe ve nûçeyên bi dilê xwe çêdikin?
Dibe nûçeyên par ji nû ve nû bikin û biweşînin?
Erê, ev pirsa dawî ya herî rast e. Demîrtaş, par di dema hilbijartina 7'e pûşperê de li Îzmîrê, li cihê navborî axivî û ew nûçe niha careke din li manşeta Sputnikê ye... Çima niha, em nizanin. Belkî ew bi xwe bersivê bidin...
Têbinî: Mixabin hinek malperên kurdan ên bi tirkî weşanê dikin jî heman nûçe weşandiye.
**
Mînakek din ji çapemeniya kurdan:
- Em ji kîjan nûçeyê bawer bikin?