Fermandarê Giştî yê Meclisa Leşkerî ya Cerablusê Abdulsettar El-Cadirî hat kuştin. Du kesên ji sûîkastkaran hatin girtin.

Meclisa Leşkerî ya Cerablusê îro bi daxuyaniyek hatibû ragihandin. Abdulsettar El-Cadirî wekî Fermandarê vê meclisê hatibû ragihandin. Li gor agahiyên ku tên tê îdîakirin ku îro endamên MÎT'ê (Teşkîlata Îstîxbarata Neteweyî ya Tirkiyeyê) li hemberî El-Cadirî suîkast pêk anîn û di encamê de El-Cadirî bi giranî birîndar bû. El-Cadirî ku rakirin nexweşxaneyê jiyana xwe ji dest da.

Tê gotin ku ji suîkastkaran du kes ji aliyê Meclisa Leşkerî ya Cerablusê ve hatine qufaltin.
Ajansa Nûçeyan a Hawarê (ANHA) nûçe wisa ragihand: "El-Cadir 3 saet piştî daxuyaniyê ji aliyê sîxurên MÎT'ê ve li eniya Şêxler di encama suîkastê de bi giranî birîndar bû. El-Cadir rakirin nexweşxaneyê, lê tevî hemû mudaxeleyan jî nehat rizgarkirin û jiyana xwe ji dest da. Piştî êrîşê 2 sîxurên MÎT’ê ku rola wan di suîkastê de heye ji aliyê Meclisa Leşkerî ya Cerablusê ve hatin girtin. Hate fêrbûn ku lêpirsîna herdu endamên MÎT’ê hatiye destpêkirin. Çav li rê ye ku Meclisa Leşkerî ya Cerablusê wê di saetên pêş de têkildarî mijarê daxuyaniyekê bide."