Diyarname

Saziya Îstatîstîkan a Tirkiyeyê (TUÎK) li ser malbatên li Tirkiyeyê dijîn pereyên xew çawa xerc dikin eşkere kir. Dane li ser sala 2015'an in. Gel sedî 43'yê butçeya xwe ji bo heqê rê û kirayê, tenê sedî 4 ji bo tenduristî û perwerdehî xerc dike.

Li welatekî malbat butçeya xwe ji bo çi, çawa xerc dike? Ev yek jiyana wî welatî nîşan dide. Ev yek nîşan dide ku ew welat çiqas qîmetê dide perwerdehî, çiqas qîmetê dide tenduristî, çiqas qîmetê dide jiyana xwe. 

Vane daneyên li ser malbatên li Tirkiyeyê (helbet li ser kurdan jî):

- Malbat sedî 17 butçeya xwe didin heqê rê.

- Sedî 26 didin kirêya xwanî. (Di sala 2015'an li gor salek berê 1,2 zêdetir bûye. Yanê zêdetir pere ji bo kirê têne xerckirin.)

- Sedî 20.2 ji bo xurek-vexwarinên bê alkol xerc dikin.

- Sedî 2.1 butçeya xwe ji bo perwerdehî xerc dike. (xerckirina herî kêm ji jêr ve rêza duyem)

- Sedî 2 ji bo tenduristiya xwe xerc dikin. (xerckirina herî hindik)

- Sedî 5.2 ji bo kincan xerc dikin.

- TUÎK'ê butçeya malbatek wekî 3 hezar û 43 TL (her çiqas heqdesta herî kêm 1300 TL be jî, TUÎK'ê ev nedaye ber çavan) hesab kiriye û gotiye, malbat ji vê butçeyê tenê 87 TL ji bo "çand, şahî" xerc dike. (Bifikirin ku konserek bilête wê di navbera 50 TL û 250 TL de ye)

- Sedî 4.2 ji bo alkol, cixare...

- Sedî 2.9 ji bo ragihandin (wekî telefon û hwd) xerc dikin.