Diyarname

Sê maç hebûn îro, ji wan Fransayê piştî ku bi ser ket û pûanên xwe derxist 6'an ligel ku hê maçek maye jî mafê bi dest xistina ji komê bi dest xist.

Di Koma A de Fransa di maça xwe ya yekemîn de (10'ê mehê) Romanya bi 2-1 têk biribû û 3 pûanên xwe yên yekemîn girtibûn. Îro Fransayê Arnavutluk kir mêvanê xwe.

Heta deqîqeya 89'an Arnavutluk li hemberî êrîşên Fransayê gelekî ber xwe da, lê di deqîqeya 90'î de Griezmann bilind bû goga ku Adil Ramî bi bo wî bilind kiribû, bi serê xwe lê da û gol avêt. Di deqîqeya 90+6 de Dimitri Payet ku di maça berê de jî gol avêtibû hemû hunera xwe nîşan da û got maç xilas: 2-0.

Fransayê bi vê encamê pûanên xwe derxist 6'an û berî maç temam bibin mafê bi destxistina derketina ji komê bi dest xist. Di komê de Swîsre xwedî 4, Romanya xwedî 1 pûanî ye û Arnavutluk pûanên wê nîn in. Di maça dawî ya komê de Romanya û Arnavutluk, Swîsre û Fransa dê bên hemberî hev.

Romanya û Swîsreyê pûan parvekirin 1-1

Di Koma A de Roman û Swîsre hatin hemberî hev. Bogdan Stancu li ser navê Romanyayê di deqîqeya 18'an de ji penaltiyê gol avêt û tîma xwe 1-0 derxist pêş. Ev yekemîn penaltiya tûrnûvaya îsal bû. Nîveka yekemîn wisa dawî bû.

Dûre di nivîveka duyemîn de Swîsreyê bi Hoban bersiv da û maç bi vî awayî bi dawî bû.

Bi vê maçê Swîsreyê pûanên xwe derxist 4'an û Romanyayê yekemîn pûanê xwe girt.

Slovakan mala rusan xira kir

Di maça Koma B ya nava rojê di navbera Rusya û Slovakya de li dar ket de Slovakan bi 2-1 Rusya têk bir û sê pûanên pêşî girt.

Di maça ku li Stada Pierre Mauroy a li bajarê Lille li dar ket de Vladimir Weiss di deqîqeya 32'yan de gol avêt û tîma xwe Slovakya 1-0 derxist pêş. Di deqîqeya 45'an de jî Marek Hamsik gola diduyan avêt. Rusyayê di deqîqeya 80'ê de bi Denis Glushakov bersiv da lê vê bersivê têr nekir.

Maça din a vê komê de 16'ê mehê dê Îngilistan û Galler bên hemberî hev.

*** 
Ji bo rûpela hemû nûçeyên li ser tûrnûvayê, rûpela taybet:

- EURO 2016: