Diyarname
Fînalîstên Lîga Şampiyonan, Lîga Ewropayê û Kûpaya Zîraatê ya Tirkiyeyê diyar bûn.
LÎGA ŞAMPIYONAN
Fînala Lîga Şampiyonan dê roja 28'ê gulanê li Milanoyê li dar bikeve. Îsal her du tîmên Spanyayê derketin fînalê.
Real Madrid li mala xwe ligel Manchester City lîst. Maça yekemîn bi 0-0 mabûn û di vê maçê de li ser navê Realê Gareth Bel (deqîqe 20) gol avêt û bi vê encamê Real Madrîd bû fînalîst.
Fînalîstê din Atletico Madrîd jî li hemberî Bayer Munihê lîst. Di maça yekem a li Spanyayê de Atletico bi 1-0 bi ser ketibû. Di vê maça li Bayerê de Bayerê bi 2-1 maç bi dest xist lê di encamê de Atletico Madrîd bû fînalîst.
Her du tîmên Spanyayê di sala 2014'an de hatibûn hemberî hev, 90 deqîqeyên maçê bi 1-1 bi dawî bûbû û di demên zêdek de Realê bi 4-1 serketin bi dest xistibû û kûpa biribû mala xwe. Real Madrîd bi giştî 14 caran (berê avê vê Kûpaya Kulûbên Şampiyon, niha Lîga Şampiyonan) beşdar bûye û di van de 10 caran bi ser ketiye.
LÎGA UEFA
Di Lîga UEFA'yê de jî Liverpool û Sevilla bûn reqîbên hev. Maç dê 18'ê vê mehê bê lîstin. Îsal maça fînalê li Stada St. Jakob a li bajarê Basela Swîsreyê tê lîstin.
Ji fînalîstan Liverpool li mala xwe ligel Villareal lîst. Maça yekemîn bi 1-0 bi dawî bûbû û di vê maçê de Liverpoolî reqîbê xwe bi 3-0 têk bir û bû fînalîst.
Fînalîstê din jî Sevilla bû. Sevilla tîma Shaktar Donetks bi 3-1 têk bir (maça yekem bi 2-2 mabû) û bû fînalîst.
KÛPAYA ZÎRAATÊ
Li Tirkiyeyê jî fînalîstên kûpayê diyar bûn: Fenerbahçe û Galatasaray. Di Kûpaya Zîraatê ya Tirkiyeyê de Fenerbahçeyê Konyaspor bi 2-0 (Maça yekem bi 3-0 bi serketina FB'ê bi dawî bûbû) û bû fînalîst. Galatasaray jî Çaykur Rizespor têk bir û bû fînalîst. Maça fînalê ya kûpayê dê roja 26'ê vê mehê li Antalyayê bê lîstin.