AMED 

Cemiyeta Rojnamegerên Azad (OGC) ji bo rojnamgerên girtî serbest bê berdan kampanya îmzeyan da dest pê kirin. Cemîyetê bi gotina "Ji bo Rojnamegerên Girtî Azadî" dest bi berhevkirina îmzeyan kiriye û van îmzeyan dê ji bo Wezareta Edaletê ya Tirkiyeyê bişîne.

Di metna kampanyayê de wisa tê gotin:

"JI BO ROJNAMEGERÊN GIRTÎ AZADÎ" 

Tirkiye di pêvajoyek dijwar re derbas dibe. Çapemenî jî di pêvajoyak zor û zehmet dijî. Tu carî çapemenî ew qas neketibû bin zext û zorê. Kuştin, binçavkirin, girtin, doz û lêpirsîn, sansur, qedexe heqaret, tacîz û gef li ser hev pêş dikevin. Em hemûyan dijîn û dibînin. Em hem şahid, hem mexdûr û bersûcê wê ne. 

Divê rojnameger li gorî rêgeza bingehîn a "Ji bo ku gel zanîn û agahiyên rast bi dest bixe, pêwîst e azadiya çapemeniyê bi dirustî bikar bîne" tev bigere. Li gorî vê rêgezê rojnameger berî her tiştî li hemberî gel û civakê xwedî berpirsiyarî ye. Ji bo vê yekê divê karê xwe rast pêk bîne. Sînor, berpirsiyarî, peywir û azadiya rojnameger, divê ne li gorî desthilatdarî li gorî civakê bê diyarkirin. 

Rojnamegerên ku ji bo agahiyên rast bi buhayê mirinê bigînin gel û xwe qanî kirine, îro rastî zext û zordariyên mezin tên. Desthilatdarî û hevkarên wê dixwazin li ser rojnamegeran zextê zêde bikin û bi hukmê zorê li gor xwe texe bidin rojnamegeran. Vê pergala zextan bi rêk û pêk dimeşîne. Hemû rojnamegerên wekî wan tevnagerin dikin hedefa xwe. Desthilatdarî ji bo "bedelên giran bê dayîn" serî li hemû rêyan da. Li Tirkiyeyê di vê pêvajoya ku herî zêde pêdivî ji rastî û heqîqetê heye, êdî ketiye halê ku rojnamegerî neyê kirin. Azadiya rojnamegeriyê ketiye haleki xerab. 

Heta niha gelek rojnameger bi îdîayên "endamê rêxistinê" "propaganda rêxistinê", "heqaret li Serokomar kiriye", "Razê dewletê", "halê veşartî" "hedefnîşandana peywirdarê dewletê" û "casûsî" hatine girtin. Di aliyê binpêkirina azadiya çapemeniyê de Tirkiye ketiye nava rêzên Cîhanê. 

Maf û pîvanên demokratîk ên çapemeniyê ket bin piyan. Li Tirkiyeyê yek ji dîtina rêyen rast azadiya çapemeniyê ye. Azadiya ramanê ji rojnameger, nûçe û me hemûyan re pêwîst e. 

Li gorî van rastiyan me Cemiyeta Rojnamegerên Azad kampanya îmzeyan a "Ji bo Rojnamegerên Girtî Azadî" da dest pê kirin. Di çarçoveya vê kampanyayê de em dixwazin rojnamegerên girtî serbest bên berdan, lêpirsînên li dijî hiqûqê, zextên li ser çapemeniyê û astengiyên li pêş azadiya ramanê bi dawî bibin." 

Ji bo tevlîbûna kampanya îmzeyan:

https://www.change.org/p/özgür-gazeteciler-cemiyeti-tutuklu-gazetecilere-özgürlük