Amed

Şaredariya Bajarê Mezin a Amedê ji bo betalkirina biryara îstîmlaqkirinê (arizîkirinê) ya Lijneya Wezîran a Hikumeta AKP'ê ya der barê Sûrê de bê betalkirin serî li Dadgela Bilind (Daniştay) da. Şaredarî li gorî biryara 174'an a şaredariyan doz bir Daniştay û xwest biryar bê betalkirin.

Desteya Wezîran di roja 21.03.2016'an de bi kiryara Wezareta Jîngeh û Bajarvaniyê ya 16.03.2016'an a bi hejmara 2988'an biryar girtibû ku piraniya Sûrê îstîmlaq bikin. Ev biryara lijneyê di Rojnameya Ferbî hatibû weşandin. Niha şaredarî li hemberî vê biryarê kete nava tevgerê.

Şaredariya Bajarê Mezin, doza ewil ji bo der barê biryara arizîkirina navçeya Sûrê ku dikeve ber hukmê şaredariyê vekir. Di dozê de şaredariyê ji Daniştayê xwest ku vê biryara Wezaretê demildest rawestîne û sedemên hiqûqî û delîl yek bi yek rêz kirin.

Di daxwaznameya betalkirinê ya der barê vê kiryara Wezareta Jîngeh û Bajarvaniyê de hate diyarkirin ku biryara desteya wezîran biryareke neqanûnî ye û qanûn hatiye pêpeskirin. Di daxwaznameyê de xala 127'an a Zagona Bingehîn, xalên 3, 14 û 15 yên girêdayî zagona bi hejmara 5393'yan hatin bibîrxistin û wisa hat gotin: "Berî ev biryar bê girtin; ku ev biryara hatiye girtin bandorê li dîrok, berhemên bajêr û pîvanên bajarvaniyê dike, ji mirovên li vê herêmê dijîn tu pirs nehatiye kirin, fikra wan nehatiye girtin. Lewra jî divê ev biryar bê ragirtin.”