Ertugrul Ozkok
Duh di rûpela 18'an a Hurriyetê de dema min peyva yekemîn a nûçeya "Li Cizîrê hat kuştin" xwend min wisa got:
"Ez vî zimanê vê nûçeyê ji ciheke nas dikim."
***
Ji bo Xwedê werin vê nûçeyê em carek bi hev re bixwînin.
Peyvên ku min reş kirine hay ji wan hebin.
***
- "Nirxandin ew e ku qaşo berpirsê PKK'ê yê Cizîrê Mustafa D. yê bi qoda 'Mamo' di operasyona li Cizîra Şirnexê de hatiye bêbandor kirin."
***
Hema piştî vê ev hevok tê:
- "Di mala ji terorîstan hatiye paqijkirin de lêgerîn hat kirin Mustafa D. mirî hat dîtin. Tê texmînkirin ku ew di pevçûnan de birîndar bûye û ji aliyê PKK'yiyan ve ji cihê bûyerê girtine anîne vî malî."
Ê baş e birê min, di bûyereke berbiçav ku encamên berbiçav hene de cihê peyvên wekî "nirxandin tê kirin", "Tê texmînkirin" çi ye...
Ez wê jî bibêjim.
Fiîla "Tê nirxandin" peyveke ku di salên dawî de leşkeran ew îcat kiriye. Ligel ku ew baş dizanin ev tê çi wateyê jî, ev peyveke şêloye û ew dixwazin bi vê tiştên ew dixwazin em jê bawer bin.
Ew "nirxandinê" dikin û "texmîn dikin", ez jî şirove dikim.
***
Leşkeran ev nûçe nivîsiye. Ji ber ku li herêmê ragihandinê êdî bi temamî leşker dikin. Ajansa Anadolu (AA) bêyî peyvek jî biguherîne agahiyê belav dike.
Yanê, tiştên leşkera jêre gotiye teq, wan jî gotiye şeq û aniye cih. Hevalên li beşa karên nivîsaran ên Hurriyetê jî bêyî destên xwe bidin peyvek jî bi çavkaniya "AA"yê ew pêşkêş kirine.
Ji ber ku ger rabin vê nûçeyê rast bikin dê kîjan aliyê wê rast bikin. Ger nûçeyê neweyînin dê dengên "Weeyyy... Berpirsê PKK'ê yê Cizîrê tê kuştin lê Hurriyetê vê naweşîne" bilind bibin.
***
Têbiniya Diyarnameyê: Çapemeniya kurd û kurdan bixwe dizanî li bajarên kurdan hêzên dewletê nûçeyê dinivîsin an didin nivîsandin lê vegotina vê yekê ji aliyê Ertugrul Ozkok ve ku bi dehan salan gerînendetiya weşanê yê Hurriyetê kir careke din rastiya meseleyê derket holê.
Û dema mirov bi vî çavî li agahiyên ku di van du mehên dawî de li ser Cizîr, Sûr û navçeyên din ên di çapameniya mezin a Tirkiyeyê de hatine weşandin binêre, rastî careke din bi awayekî din derdikeve holê.
.jpg)
