MÊRDÎN 

Hevserokê Giştî yê HDP'ê Selahattîn Demîrtaş diyar kir ku heyeta ku ew jî di nav de ye bi tenduristvanan ve dixwazin biçin Cizîrê û xwe bigihînin birîndarên ku ev 12 roj in di jêrzemîna avahiyê de li benda alîkariyê ne û ev 4 roj in jî ji wan agahî nayê girtin. Demîrtaş hişyariya "divê bê dîtin ku ev pirsgirêk dê ji şikestinên cidî re rê veke û texrîbatên ku nikarin bên telafîkirin derxe holê, ev yek bê dîtin" kir. Hevserokê Giştî yê DBP'ê Kamuran yuksek jî banga vekirina korîdora mirovî li hikumetê kir û got ku heke mudaxale neyê kirin dê berpirsyarê windahiyên wê derê hikumet be. 

Heyeta HDP û DBP'ê çû Mêrdînê û der barê hewldanên xwe yên ku ji bo wergirtina birîndara civîna çapemeniyê li dar xist. Daxuyanî li Şaredariya Bajarê Mezin ê Mêrdînê hate dayîn. 

Di civînê de Selahattîn Demîrtaş avixî û diyar kir ku ji bo ku tradiyên ku ji ber qedexeyên derketina kolanan diqewimin ji holê bên rakirin wekî partî hewldanên wan hene, çi ji destên wan tê hewl didin ku pêk bînin. Demîrtaş da zanîn ku ligel hewlesta partiya wan hikumet bi tu awayî di warê hiqûqî û exlaqî de berpirsyariyên xwe bi cih nayne. 

Demîrtaş da zanîn ku heta niha der barê rewşa birîndaran de agahiyekî zelal negirtine û wiha axivî: "Agahiya me ji dehan kesên ku li Cizîrê sax in, birîndar in, birçî ne, tî ne tune ye. Heta dawî partiya ya me hewl dide lê me encamek negirtiye. Pirsgirêka kurd di rojeke de pêk nayê lê ev drama mirovahiyê niha dikare bê rawestandin. Ligel hevşeraderên me û parlamenterên me heta ev rewş zelal nebe em ê ji vir neçin."

Demîrtaş destnîşan kir ku ew jî bi heyeteke ve û kedkarên tenduristiyê yên dildar dixwazin biçin Cizîrê û birînadaran bigirin û di çarçoveya vî daxwazî de bang li Serokwezîr Ahmet Davutoglu kir. Demîrtaş wiha got: "Tabloya ku derkeve derve dibe ku bibe sedema xirakirina pirê ku veger çênebe. Dibe careke din derfetên ku qala muzakereyê bikin jî nemîne. Divê hûn bersivê bidin vê bendewariya mirovî. Ji bo ku spekulasyon dernekeve ez û ekîba tenduristiyê dixwazin biçin wê avahiyê. Divê bê dîtin ku ev pirsgirêk dê ji şikestinên cidî re rê veke û texrîbatên ku nikare bên telafîkirin derxe holê. Ez hêvîdar im ew birîndar dijîn. Cizîr di bin dorpêçê de ye. Heke em biçin wir yên ku em bigirin sax in an mirî ne hin ji wan dê bişînin nexweşxaneyê. Vê wekî bûyerekî krîmînal nîşandan bêwate ye." Demîrtaş destnîşan kir ku ji bo vekirina korîdora mirovî dixwazin pevçûnên li wir bên rawestandin û agirbestekî dualî pêk bû û wiha got: "Heke li Cizîrê niha pevçûnek hebe, di destên kê de çek hebin, şert û merc çi dibin bila bin em dixwazin bila gulebarên rawestînin."

'Hikumet dê di bin vê yekê de bimîne'

Demîrtaş bilêv kir ku daxwaza wan a çûyîna Cizîrê daxwazekî mirovî ye, daxwazekî siyasî nîn e û wiha berdewam kir: "Divê gelê me guh bide bangawazî û hişyariyên ji me tên. Li her derê gelê me bi bihîstiyarî amade be. Ji ber ku em naxwazin li wir tabloya hovîtiyê bibînin. Hikumet dê di bin vê de bimîne. Nikarin îzaha vê yekê bikin. Mirovên wê derê di rewşa pevçûnê de nebûn. Li benda alîkariyê bûn. Îro çûyîna heyeta me li wir sûdewar e. Ez spasiyên xwe li gelê me yên ku bi rojan e bihistiyar tevdigerin dikim. Divê ev bihistiyarî bi biryarî bidome."

'Bila korîdora jiyanê bê vekirin'

Hevserokê Giştî yê DBP'ê Kamuran Yuksek jî bal kişand ser nêzîkatiya li hemberî birîndaran û wiha got: "Encama ku li wir derkeve holê dê hem di warê civakî hem jî di warê siyasî birînan derxe holê. Ji bo xilaskirina birîndarên wê derê divê korîdora mirovî bê vekirin. Em vê dixwazin. Em amade ne ku berpirsiyarî hilgirin. Heke korîdorê ava nekin û me negihînin wê derê dê hikumet bibe berpirsyarê mirinan. Ev yek jî dê di hefizeya mirovan de cih bigire."

DÎHA