Amed

Cemiyete Rojnamegerê Azadî (OGC) Kongrey Xo ya 2'inan a Asayî Şanoy Şarê Pîle ya Amedî de viraşte. Salone de fotoyê Denîz Firat, Musa Anter, Gurbetellî Ersoz û Mazlum Erencî daleqnay. Hevserokê DBP'ê yê Amedê Alî Şîmşek, xebatkarê çapemeniya azad û malbatên rojnamegeran tewrî kongre bî. Vernî peyamê Hevşaredaranê Amedî Firat Anli û Gultan Kişanak hame wendişî. Dimara dîwan viraziya û Mehmet Şahîn serê namey dîwanî de xeberî da. Şahînî vat ke bi seran serê şarê kurdî de komkujî viraştêne la çapemenî kurdan çinêbî ene komkujî bimocno dinya, enka hendî çapemeniya azad esta û hewl dana ke ene kêmanî hortera wedaro.

Dimay wendişê raporan lîsteya rêveberiya newî qeybî vengdayişî hamî pêşkêşkerdin. Nevîn Erdemîr, Hakki Boltan, M. Alî Ertaş, Kubra Soylemez, Aydin Yildiz, Aziz Oruç û Metin Dag qeybî rêveberî hamey weçînayişî.