Ji bo Helîm Yûsiv nivîskaran ji Hevbenda Sûriyê îstîfa kirin
Çend roj berê Hevbenda Nivîskarên Sûriyê endamtiya Helîm Yûsiv dabû rawestandin. Li ser vê yekê 15 nivîskaran ku yek jê ereb yên din kurd in daxuyaniyeke weþandin, piþtgirî dan Helîm Yûsiv û ji Hevbenda Nivîskarên Sûriyê îstîfa kirin. Vaye daxuyaniya van kesan û kesên ku daxuyanî îmze kirine:
"Destjêberdana komî ji Hevbenda Nivîskarên Sûriyê
Bi destpêkirina þoreþa Sûriyê re, xewna welatekî hevbeþ dûrî gemkirin û zorê, ku hemû netewe, ol û mezheban di hundir xwe de bihewîne, geþ bû. Avakirina Hevbenda Nivîskarên Sûriyê jî di vê çarçoveyê de bû; em wekî nivîskar û rewþenbîr bibin xwedî dezgeheke wisa, dûrî rê û rêbazên Yekîtiya Nivîskarên Ereb kar bike. Ew dezgeha ku xwedî yek raman, yek ziman û yek rengî bû. Wisa jî hemû mafên her kesê derveyî wî rengî û wê ramanê dihatin binpêkirin. Çawa ku rêjîmê dest danîbû ser siberoja kesên Sûriyê û her tiþt bi xwe ve girê dabû, wisa hin alî û siyasetan dest danîn ser þoreþê û ew xistin bin baskên xwe. Bi vî awayî xwediyên þoreþê yên rasteqîne di navbera du aliyan de asê man. Yek jê diz û zorker û yê din korsanekî durrû û jiserxweçûyî. Hêviyên pir mezin li ser çandê û rewþenbîrên Sûriyê hatin girêdan. Her wiha zemîneke wisa peyda bû, ku çanda Sûriyê li hember van hêzên ku dest danîne ser vîna xelkê û siberoja wan, bibe çavkaniya geþbûn û pêþdeçûnê. Ji ber vê, hêviya me ji damezirandina Hevbenda Nivîskariyên Sûriyê ew bû ku bibe bingeheke rexneyî ji þoreþê re, wisa jî ji çandeke pirrengî û hevbeþ re, bêyî biryargirtina xwe bispêrin navendên derve. Lê bûyer û gengeþiyên ku di vê dema dawiyê de di navbera hin endamên hevbendê de qewimîn, bi derxistina daxuyaniyên dijî hev û desttêwerdana hevbendê wekî aliyekî û rawestandina endametiya nivîskar Helîm Yûsiv bi hin behaneyên ku kenê mirovan tînin, ev hemû metod û awayên cezakirina xwediyên dîtinên cihê, metod û awayên cezakirinê yên Yekîtiya Nivîskarên Ereb tînin bîra mirov. Wisa jî ev nîþana wê yekê ye ku, Hevbenda Nivîskarên Sûriyê xwe eþkere li kêleka aliyekî siyasî dibîne. Ji ber van sedeman, em yên ku vê daxuyaniyê îmze dikin destjêberdana ji endametiya xwe ya vê rêxistinê eþkere dikin û van þêweyên cezakirin û gemkirina nivîskar û rewþenbîrên xwediyên dîtin û nerînên cihê þermezar dikin.
Yên ku îmze kirine
– Ehemdê Huseynî – Endamê birêveberiya giþtî
– Dr. Serbest Nebî – Endamê hevbendê
- Taha Xelîl ・ Endamê hevbendê
– Ebdusselam Helûm – Endamê hevbendê
– Mihemed Silêman Zade – Endamê hevbendê
– Ciwan Teter – Endamê Hevbendê
– Taha Elhamid – Endamê hevbendê
– Ibrahîm Ibrahîm – Endamê hevbendê
– Abdulkader Mûsa – Endamê hevbendê
– Ciwan Yûsif – Endamê hevbendê
– Abbas Abbas – Endamê hevbendê
– Sîhanok Yûsif Dîbo – Endamê hevbendê
– Nezîr Melle – Endamê hevbendê
– Mesûd Mihemed Ebas – Endamê hevbendê
– Helîm Yûsiv – Endamê birêveberiyê"
**
Nûçeyên eleqedar:
- Medyaya civakî piþtgirî da Helîm Yûsiv
- Êrîþ bi encam bûn: Endamtiya Helîm Yûsiv hat rawestandin
- Nivîskarên 'kurd' çi ji Helîm Yûsiv dixwazin?
- Êrîþên li ser Helîm Yûsiv hat þermezarkirin