Cemil Oguz

Jinek bifikirin hê 3 saliye ji welatê xwe diçe welatek biyanî. Hê nû ku zarokatiya temam dike û ber bi ciwaniyê ve diçe didin mêr, bi ser de jî mêrek 30 sal jê mezintir. Bi ser de jî mêrek jinan biçûk, bêker dibîne. Mêrê ku şîdetê li hemberî jinan nîşan dide. Navê wê jinê Nazîha ye, ji Fasê ye, lê vê jiyanê li Hollandayê dijî. Her zarokan tîne; 1, 2, 3, ne 5 ne 7, tam 9 zarokan tîne di wê jiyana xwe ya ciwan de. Zarokek jî ji jina berê maye, tam ji bo 10 zarokan dayiktî dike. Ev jî ne bes e wekî gelek jinên ji rojhilat mêrê wê li hemberî wê şîdetê bikar tîne, zarokên xwe jî hînê şîdetê dike. Zarok her bûyeran derdixin, her roj tiştek bi ser wan de tê û Naziha her roj diçe qereqolek din û zarokên xwe tîne. Di dawiyê de Nazîha serî hil dide, mêrê xwe ber dide, lê jiyan ji bo wê zehmet e.

Divê bikaribe bi wê jinbûna xwe li ser lingan bimîne, divê bikaribe zarokên xwe xwedî bike, divê bikaribe nîşan bide ku jinek rojhilatî jî dikare ji bo gelek jinên din bibe model...

Serketina Naziha 

Û Nazîha bi ser dikeve, lê heta bi ser dikeve dinya li wê tê xwezebê. Dewama wê mirov dikare ji belgefîlmê bi navê "Naziha's Spring" (Bihara Nezîha) temaşe bike.

Em qala çîroka jinek bi navê Nazîha ku niha li ser wê belgefîlmekî hatiye kişandin dikin. Belgefîlmê bi navê "Naziha Spring" di çarçoveya 8'emîn Rojên Belgefîlman a Stenbolê Documentarist de êvara 17'ê mehê li Ses Tiyatrosu hat nîşandayîn. Derhêneriya belgefîlm Gulşah Dogan kiriye û belgefîlm roja dawî ya Documentarîstê, roja 18'ê mehê saet 18.00 de wê li TAK (Ducatepe Sok. No: 61 Yeldegirmenî) Kadikoy careke din bê nîşandayîn.

Destpêkirina belgefîlm ji nûçeyek biçûk tê 

Derhêner Dogan ji rojnameyê nûçeyek li ser Naziha dixwîne û ji wir dest pê dike. Pêşî dixwaze ji bo TV'yê bikişîne û dikişîne jî. Ew beş di TV'yê de tê nîşandayîn lê bûyer her ku diçe firehtir dibe. Nazihaya ku derdora wê naxwazin ew belgefîlmî bikişîne jî qet guh nade wan û her tiştî bi eşkereyî ji bo Dogan vedibêje. Loma jî her ku diçe bere fireh dibe û di dawiyê de belgefîlmekî 95 deqîqeyê derdikeve holê. Belgefîlm van rojan li Hollandayê jî hat nîşandayîn û li gor gotina wan gelek eleqe dîtiye.

Belgefîlmê ku par hatiye kişandin, di serî de li IDFA ku yek ji festîvalên herî girîng a belgefîlman e, li gelek welatan hatiye nîşandayîn û niha jî li Stenbolê bû mêvan. 

Her belgefîlm çîrokek cuda nîşanî temaşevanan dide. Ev belgefîlm jî wisa ye. Ji bo temaşekirina çîroka jineke rojhilatî û berxwedana wê hêjayî temaşekirinê ye.

KUNYE:

Nav: Naziha's Spring

Derhêner: Gulşah Dogan

Derhênerê Dîmenê. Allevan der Wal

Vesazkirin: Albert Markus

Deng: Chris Everts 

Ji bo têkilî: gulsahdogan@gmail.com

**

 Nûçeyên eleqedar:

- 'Şilfîtazî' yan jî bûyîn û mirin! 

- Şahiya belgefîlman 'Documentarist' dest pê kir

- Dem dema belgefîlman e!

- Documentarist li benda belgefîlman e